Подпредсидатель Неманя Завишич

Неманя Завишич вибрани за подпредсидателя Скупштини Автономней покраїни Войводини на першей схадзки Скупштини хтора отримана 25. априла 2024. року.

Член є Сербскей напредней странки и посланїцкей ґрупи «АЛЕКСАНДАР ВУЧИЧ – ВОЙВОДИНА НЄ ШМЕ СТАНУЦ.» у Скупштини Автономней покраїни Войводини.

Длужносци у Скупштини

•подпредсидатель Скупштини Автономней Покраїни Войводини.

Биоґрафия

Народзени є у Вербаше, 4. мая 1992. року, одроснул и жиє у Змаєве. 

Основни и мастер академски студиї права закончел на Правним факултету Универзитета у Новим Садзе з високу просекову оцену. Положел правосудни испит.

Од 2016. по 2019. року бул заняти у адвокатскей канцелариї у Вербаше у хторей робел преважно на предметох з виновного и гражданского права.

Член є Предсидательства Сербскей напредней странки.

На першу политичну функцию ступа после локалних виберанкох у Вербаше 2017. року, кед постава одборнїк у Скупштини општини Вербас и предсидатель Мандатно-имунитетней комисиї и на тих функцийох остава по преставанє мандату 2020. року.    

Як член младежи Сербскей напредней странки нащивйовал вецей дзешатки семинари, тренинґи и едукациї з обласци политичного лидерства и активизму, схопносцох комуникациї и прегваряня. 

З успихом закончел политичну академию Фондациї «Светозар Милетич», двaсеместралну образовну програму «ПолитиКАС» у орґанизациї Беоґрадскей отвореней школи и Фондациї Конрад Аденауер, потим двaсеместралну програму «Напредне лидерство у политики» у орґанизациї Медзинародного републиканского институту, як и тримешaчну политичну академию Роберт Шуман Института. 

На поволанку орґанизациї «Friends of Europe», як представнїк младих зоз Сербиї, участвовал на Балканском Самиту младих политичних лидерох «EU-Western Balkans:  Enlargement, integration and challenge of transformation» отриманим у Бриселу 2018. року.

Предсидатель є Надпатраюцого одбору Центру за фамелийне змесценє и усвоєнє Нови Сад, а у єдним мандату окончовал и длужносц предсидателя Совиту Месней заєднци Змаєво.

У мандату 2020–2024 бул посланїк и подпредсидатель Скупштини Автономней покраїни Войводини з лїстини «Александар Вучич – за нашо дзеци».

Попри мацеринского сербского язика, бешедує по анґлийски.

Оженєти є, оцец двоїх дзецох.

Контакт

e-mail: nzavisic@skupstinavojvodine.gov.rs

Тел: +381 21 487-4134; 487-4124

Факс: +381 21 456-107

Скупштина Автономней Покраїни Войводини

Владики Платона 1

21101 Нови Сад

Република Сербия