Подпредсидателька Александра Малетич

Aлександра Малетич вибрана за подпредсидательку Скупштини Автономней Покраїни Войводини, на першей схадзки Скупштини, хтора отримана 31. юлия 2020. року.

Членїца є Сербскей напредней странки и членїца посланїцкей ґрупи „АЛЕКСАНДАР ВУЧИЧ - ЗА НАШО ДЕЦИ.” у Скупштини Автономней Покраїни Войводини.

Длужносци у Скупштини

•подпредсидателька Скупштини Автономней Покраїни Войводини.

Биоґрафия

Народзена є 2. януара 1982. року, у Новим Садзе.

Оновну школу и Ґимназию „Светозар Маркович“ закончела у Новим Садзе. Дипломовала на Филозофским факултету, оддїл Психолоґия. После студийох психолоґиї нащивює едукациї за психотерапеута на РЕБТ придруженим тренинґ центру Института Алберт Елис зоз Нюйорку.

Занята є у Управи за маєток и маєтково – правни роботи. По стажованю у Дому здравя Нови Сад и положеним державним испиту у Министерстве здравя 2010. року, у даскелїх орґанизацийох робела як совитнїк през психотерапийну роботу.

Ґу Сербскей напредней странки приступа 2009. року, а член Главного одбору постава 2014. року. Член є Вивершного одбору Сербскей напредней странки.

За одборнїка Скупштини городу Нового Саду є вибрана 2012. року на лїстини Сербскей напредней странки. Була Народни посланїк Сербскей напредней странки у двох мандатох; перши раз є вибрана за посланїка у Народней скупштини 2014. року, а по тим и у шлїдуюцим мандату 2016.-2020. року. У Парламенту участвовала у роботи Одбору за роботу, социялни питаня, дружтвену уключеносц и зменшанє худобства, Одбору за дияспору и Сербох у реґиону, Одбору за културу и информованє. Тиж, под час тирваня мандату Народного посланїка була часц Делеґациї Народней скупштини у Парламентарней скупштини Медитерану дзе предшедовала зоз Стаємним одбором за диялоґ медзи цивилизациями и людска права и окончовала функцию подпредсидателя Парламентарней скупштини Медитерана. У марцу 2021. року є вибрана за подпредсидателя Ради реґийох Конґресу локалних и реґионалних власцох совиту Европи. З тим вибором постала и член Бироа Конґресу локалних и реґионалних власцох совиту Европи спред политичней ґрупациї ЕПП (European people’s party).

Бешедує по анґлийски.

Контакт

e-mail: amaletic@skupstinavojvodine.gov.rs

Тел: +381 21 487-4134; 487-4124

Факс: +381 21 456-107 

Скупштина Автономней Покраїни Войводини

Владики Платона 1

21101 Нови Сад

Република Сербия