Нови Сад, 12. новембер – Предсидатель и подпредсидатель Скупштини АП Войводини др Балинт Югас и Неманя Завишич бешедовали нєшка з о.д. директорку ЯМУ Радио-телевизия Войводини Саню Яшаревич - Кужич и програмним директором Предраґом Новковичом о предлужованю сотруднїцтва тих двох покраїнских институцийох.
Пре нєнаявене виоставанє вецейдеценийного директного преносу 19. схадзки Скупштини АП Войводини на Першей програми РТВ, хторе могло привесц до питаня явносц роботи Скупштини, представителє покраїнского парламенту и РТВ бешедовали о можлївосцох превозиходзеня тей ситуациї и можлївих формох информованя явносци о роботи Скупштини и єй зашеданьох.
На схадзки договарене же Радио-телевизия Войводини доручи Скупштини АП Войводини предкладанє о моделу информованя явносци о роботи покраїнского парламенту, после чого предлог будзе и розпатрени.
Собешеднїки ше зложели же пробую найсц модел хтори обезпечи явносц роботи Скупштини АП Войводини, з цильом виполньованя своїх обовязкох спрам гражданох АП Войводини и їх обчекованьох од тих двох важних покраїнских институцийох.
На схадзки присуствовали и ґенерална секретарка Скупштини АПВ др Сандра Стойкович, заменїк ґенералного секретара Жолт Сакалаш и о.д. главного и одвичательного редактора Першей програми Радио-телевизиї Войводини Блажо Попович.