Беоґрад/Нови Сад, 10. октобер - Предсидатель Скупштини АП Войводини др Балинт Югас присуствовал нєшка у Беоґрадзе на шветочним отвераню Пиятого медзинародного сайма вина, поживи и палєнки «Винска визия Отвореного Балкана» (Wine Vision by Open Balkan).
Тота медзинародна манифестация, хтору ше отримує од 10. до 12. октобра на Беоґрадским сайме, збера продуковательох, дистрибутерох, фаховцох и професионалних купцох зоз Сербиї, реґиона и швета, представяюци значну платформу за промоцию домашнєй и реґионалней привреди, ґастрономиї и винскей култури.
Тогорочни саям позберал 550 викладачох з вецей як 30 жемох, док приход наявели купци и предаваче з 45 державох. Под час тродньовей манифестациї буду отримани числени дїловни схадзки, фахово презентациї и змаганя, уключуюци и оценьованя вецей як 800 винох, з чим ше додатно стимулує медзинародне сотруднїцтво и отверанє нових тарґовищох за продуковательох.
На шветочним отвераню присуствовали предсидателька Покраїнскей влади Мая Ґойкович, предсидатель Привредней комори Сербиї Марко Чадеж, министри у Влади Републики Сербиї у технїчним мандату, як и медзинародно припознати вински критичар Джеймс Саклинґ.