Сента/Нови Сад, 9. октобер – Предсидатель Скупштини АП Войводини др Балинт Югас присуствовал нєшка на шветочносци з нагоди означованя велького ювилею, 150 роки иснованя Сентянскей ґимназиї, єдней зоз значнєйших образованих установох тей часци Войводини.
Винчуюци ювилей професором, школяром, дакедишнїм школяром и шицким хтори децениями будовали историю тей школи, Югас визначел же ше значносц єдней образовней установи нє мера лєм з успихами єй школярох, алє и зоз знаньом, характером, приятельствами и чувством припадносци заєднїци хтори вони ноша зоз собу.
«Моц єдней заєднїци чуваю єй институциї, а институциї отримую людзе. Тота школа за 150 роки прешла два шветово войни, периоди кед ше у будинку нє отримовало наставу, як и часи кед Ґимназия престала исновац. Та заж лєм, вона ознова постала школа. Найвекши успих же вше исновал дахто хто гварел же ше тото муши предлужиц», поручел предсидатель Югас. 
Вон визначел же ше образованє з часом меняло, провадзело розвой дружтва и швета, алє же основна улога школи остала иста, же би школяром отворела нови попатрунки, дала квали тетне знанє и же би их пририхтала за будучносц.
«Швет ше меня. Алє найважнєйши задаток школи остава исти, же би оторело облак ґу тому швету», визначел Югас. Вон пожадал Сентянскей ґимназиї же би и у наступних деценийох предлужела образовац нови ґенерациї, чувац свою традицию и же би остала важни слуп локалней заєднїци.
На шветочносци бешедовали и директор Сентянскей ґимназиї Робер Калман, державна секретарка у Министерству образованя Анико Єрас, предсидателька општини Сента Ханалка Бурань и член Националного совиту мадярскей националней меншини Тат’яна Варю Потребич.