Нови Сад, 4. марец – У рамикох манифестациї «Сезона култури Мадярскей у Сербиї и Сербиї у Мадярскей 2025/26», у Сербским народним театру у Новим Садзе, нєшка вечар отримани ґала концерт мадярского виолинисти Золтана Маґа.
На тей шветочносци присуствовали предсидатель Скупштини АП Войводини др Балинт Югас, як и ґенерална секретарка Скупштини АПВ др Сандра Стойкович.
Манифестация «Сезона култури Мадярскей у Сербиї и Сербиї у Мадярскей 2025/26», на хторей присуствовали и предсидателька Покраїнскей влади Мая Ґойкович,
городоначалнїк Нового Саду Жарко Мичин, народни посланїк др Балинт Пастор, совитнїк предсидателя Републики Сербиї Милош Вучевич, представя всеоблапну програму културней черанки двох державох, зоз цильом преглїбйованя приятельских одношеньох и моцнєня институционалного и уметнїцкого сотруднїцтва.
Под час културней сезони буду реализовани числени концерти, театрални представи, 
вистави, литературни вечари и други програми, хтори публики у Сербиї и Мадярскей приблїжа сучасну творчосц, алє и богате културне нашлїдство обидвох жемох.
Золтан Маґа єден зоз найвизначнєйших мадярских виолинистох сучасней сцени, познати по виртуозним виводзеню класичного и традиционалного репертоару, як и по числених наступох ширцом Европи и швета.