Нови Сад, 2. марец – Предсидатель Скупштини АП Войводини Балинт Югас бешедовал нєшка з директорку УКЦ Войводини проф. др Весну Туркулов и заменїком директора проф. др Дюлом Дїлвесийом о стану у покраїнским здравстве, чечуцих инвестицийох и програмох хтори шлїдза у наступним периодзе.
На схадзки оценєне же здравство у 2026. року останє єдна з приоритетних обласцох.
«Зоз покраїнского буджету за тоту наменку видвоюєме вкупно 3,76 милиярди динари. Од того 1,26 милиярди динари опредзелєни за розвой здравственей инфраструктури, док додатни два милиярди динари прейґ здравствених програмох моцня здравствену защиту и функционованє системи», визначел Югас. Уложени средства уж видлїви прейґ конкретних инвестицийох – предлужує ше зоз укладанями до УКЦ Войводини у Новим Садзе.
Собешеднїки ше зложели же заєднїцки циль остава исти, а то же би гражданє Войводини достали сучасну, безпечну и пошвецену здравствену защиту у модерних установох.