Нови Сад, 6. децембер – Предсидатель Скупштини АП Войводини Балинт Югас повинчовал нєшка наступни Крачун шицким гражданом хтори тото найрадоснєйше християнске швето преславюю по юлиянским календаре.
„Най шветлосц крачунских дньох до ваших обисцох унєше радосц, здравє и любов, а швето Христового народзеня принєше мир до душох, злагоду до фамелийох и надїю до лєпшей будучносци. Най нас тото вельке швето здогаднє на значносц заєднїцтва, медзисобного порозуменя и солидарносци, як и на одвичательносц яку маме єдни ґу другим. Прешвечени сом же, водзени з такима вредносцами, будземе мац моци вєдно премогнуц шицки спокуси и же предлужиме будовац дружтво хторе ше снує на стараню за каждого чловека.
Шицким цо швеца жичим же би Крачун препровадзели у мире, радосци и благостану, окружени зоз своїма наймилшима.
Христос раждаєтся! – Славите Єго!