Нови Сад, 17. април – Предсидатель Скупштини АП Войводини Балинт Югас послал нєшка винчованку з нагоди Велькей ноци по юлиянским и григориянским календаре.
«Най найрадоснєйше християнске швето ошвици нашо шерца и души зоз заєднїцтвом и надїю до побиди живота и любови. Вельконоцни днї нас здогадую же вира и животни елан заєднїцки можу звладац и найчежши препреченя и же зме зоз взаємну потримовку и велькодушносц духовно богатши и моцнєйши.
Жадам вам же би Вельконоцни швета препровадзели у добрим здравлю и благостану зоз своїма ближнїма, а же би нас радосц Велькей ноци охрабрела же бизме предлужели будовац дружтво розуменя и заєднїцкого добра.
Щешлїва Велька ноц!»