Нови Сад, 8. марец – Предсидатель Скупштини АП Войводини Балинт Югас найоштрейше осудзел физични напад на министра култури у Влади Републики Сербиї Николу Селаковича, хтори ше вчера вечар случел у Беоґрадзе.
„Зоз глїбоку застараносцу и огорченьом найоштрейше осудзуєм физични напад на министра култури Николу Селаковича, як безчесни и нєдопущуюци поступок.
Насилство, аґресия и зраженя нїґда нє були а нїґда анї нє буду прилаплїви у нашим дружтве, бо глїбоко нарушую шицки демократски вредносци и водза ґу нєстабилносци и нєсиґурносци за державу и шицких гражданох.
Очекуєм же компетентни институциї запровадза детальне вишлїдзованє и же, у цо кратшим можлївим чаше, процесиурую одвичательних за тот ганєбни напад“, визначел предсидатель Югас.