Нови Сад, 8. новембер – У Скупштини АП Войводини отримана рядова роботна схадзка предсидателя Скупштини АП Войводини Балинта Югаса и предсидательки Покраїнскей влади Маї Ґойкович.
Предсидатель Югас и предсидателька Ґойкович бешедовали о прешлотижньовей велькей траґедиї на Гайзибанскей станїци у Новим Садзе и ище раз наглашели глїбоке сочувствиє зоз фамелиями и приятелями тих цо страдали и покалїчених. Вони визначели потримовку компетентним державним орґаном хтори робя на утвердзованю одвичательних за тоту траґедию, наглашуюци важносц пребераня и фаховей и политичней одвичательносци.
На схадзки бешедоване и о предлогу покраїнского буджету за 2025. рок, хтори, як визначели, будзе унапрямени на привредни розвой Покраїни и дзвиганю животного стандарду гражданох.
Ґойковичова и Югас бешедовали и о динамики виводзеня роботох на актуалних проєктох на териториї Покраїни. Собешеднїки ше соглашели же Покраїнска влада и Скупштина Войводини потрима шицки проєкти од локалней и реґионалней значносци.