Нови Сад, 18. октобер – Предсидатель Скупштини АП Войводини Балинт Югас приял нєшка ґенералного директора ЯП «Сербияґаз» Душана Баятовича зоз хторим бешедовал о важносци стабилного подмирйованя з природним ґазом и унапредзеню енерґетскей инфраструктури.
Предсидатель Скупштини АП Войводини и ґенерални директор «Сербияґазу» наглашели нєобходносц отримуюцого и квалитетного обезпечованя енерґентох, насампредз у жимским периодзе, цо од ключней значносци за привреду алє и за гражданох.
Ґенерални директор «Сербияґазу» упознал предсидателя Югаса з планами и
актуалнима проєктами того подприємства о модернизациї инфраструктури и постояцих капацитетох вязаних за маґазинованє природного ґазу, наглашуюци же Република Сербия будзе мац стабилне випоручованє и цени ґазу за предстояцу сезону зогриваня.
Югас и Баятович бешедовали и о стратеґийним значеню партнерского сотруднїцтва Сербиї и Мадярскей у обласци енерґетики, транзиту, маґазинованя и подмирйованя з енерґентами, цо доприноши енерґетскей стабилносци обидвох жемох и потвердзує винїмково приятельски одношеня.