Нови Сад, 30. септембер – У составе рядових мешачних стретнуцох, нєшка отримана схадзка предсидателя Скупштини АП Войводини Балинта Югаса и предсидательки Покраїнскей влади Маї Ґойкович.
Предсидатель Югас и предсидателька Ґойкович бешедовали о актуалних политичних темох, з окремним огляднуцом на наступну схадзку Скупштини АП Войводини и точкох хтори би ше могли найсц на дньовим шоре.
На роботней схадзки бешедованe о капиталних инфраструктурних, як и о других проєктох, хтори ше реализує або планує, з потримовку покраїнскей и републичней администрациї у АП Войводини. З тим у вязи, предсидателька Ґойкович информовала предсидателя Югаса о отримованю заєднїцкей схадзки републичней и покраїнскей влади 23. октобра и даваню потримовки заєднїцкей роботи министрох и покраїнских секретарох на чечуцих и будуцих проєктох.