Нови Сад, 16. юлий – Предсидателька Покраїнскей влади Мая Ґойкович и предсидатель Скупштини АП Войводини Балинт Югас на нєшкайшим стретнуцу у Покраїнскей влади, оценєли же континуитет потерашнього доброго сотруднїцтва двох институцийох предлужени, зоз заєднїцким цильом же би ше АП Войводина и надалєй инфраструктурно, привредно и економски розвивала, и же би ше обезпечели ище лєпши условия за живот єй гражданох.
Як визначене на схадзки, Покраїнска влада и Скупштина АП Войводини у партнерстве предлужа зоз реализацию заєднїцких активносцох, и у складзе зоз своїма компетенциями буду робиц на ришованю питаньох цо значни за АП Войводину и єй гражданох.