Нови Сад, 12. юлий – Предсидатель Скупштини АП Войводини Балинт Югас и директор ЯП «Войводиналєси» Роланд Кокаи бешедовали нєшка о важносци одвичательного ґаздованя з лєсовим фондом, бо лєси нєвимерлїва драгоциносц и капитални природни ресурс.
«Старосц о лєсовим фонду ма капиталну значносц за АП Войводину, так як цо нам барз важни и други обласци з якима ше занїма тото подприємство, як цо лови, риболов, ловни туризем и старанє о защицених природних подручох. Тото важне и за нас и за будуци ґенерациї», гварел Югас.
Югас и Кокаи бешедовали о планох того подприємства за наступни период и о
активносцох зоз якима ше допринєше ґу защити и полєшованю. Як цо визначене, обновйованє лєсових екосистемох єдно зоз основних предусловийох, як за здравши животни штредок, очуванє рошлїнского и животиньского швета, так и за ублажованє пошлїдкох климатских пременкох.
Вони оценєли и же «Войводиналєси», сотрудзуюци зоз образовнима институциями, орґанизуюци едукациї, промоцию волотеризма и уключованьом заєднїци до своїх манифестацийох, указую и дружтвену одвичательносц у своїм дїлованю.
На схадзки наглашене и же Скупштина АП Войводини, як снователь ЯП «Войводиналєси», и далєй будзе давац полну потримовку тому подриємству з цильом його дальшого успишного дїлованя.