Нови Сад, 09. юлий – Предсидатель Скупштини АП Войводини Балинт Югас бешедовал нєшка зоз Срдяном Кружевичом, директором ЯВП «Води Войводини», чий снователь Скупштина АП Войводини.
Югас и Кружевич бешедовали о успишним дїлованю того подприємства хторе од общого интереса за АП Войводину и єй гражданох з оглядом на стратеґийну значносц води як природного ресурса за польопривреду, туризем и други обласци у нашей реґиї.
Директор Кружевич упознал предсидателя Югаса з проєктами хтори у цеку як цо
вибудов двонаменковей системи за наводньованє до хторей ше уложи 2,2 милиярди динари зоз власних средствох, як и зоз велїма другима, з чиїм законченьом ше годно наводньовац 140.500 ha жеми.
Предсидатель Югас виражел задовольство же «Води Войводини», як и други подприємства чий снователь покраїнски парламент, успишно, одвичательно и совисно робя роботу яка им зверена и наглашел же у своєй роботи, як цо то и по тераз бул случай, у Скупштини АП Войводини вше буду мац партнера и потримовку.