Нови Сад, 8. юлий – Предсидатель Скупштини АП Войводини Балинт Югас приял нєшка у покраїнским парламенту народного посланїка и предсидателя Скупштини городу Суботици Проф. др Балинта Пастора.
Югас и Пастор бешедовали о важносци доброго и продуктивного сотруднїцтва рижних уровньох власци, з цильом розвою локалних самоуправох у складзе з потребами гражданох и твореня условийох за успишну реализацию инфраструктурних и других проєктох.
На схадзки оценєне же Суботица по тераз мала успишне и партнерске сотруднїцтво зоз Скупштину АПВ и Покраїнску владу, цо резултовало зоз законченьом числених заєднїцких проєктох у обласцох инфраструктури, привреди, здравства, образованя и друге.
Як цо наглашене, Скупштина АПВ, як и потераз, предлужи ослуховац потреби локалних заєднїцох и, у складзе зоз своїма компетенциями, давац полну потримовку у твореню лєпших условийох за живот шицких гражданох АП Войводини.