Зренянин, 1. юния – Предсидатель Скупштини АП Войводини Балинт Югас присуствовал нєшка на служби и бискупским пошвецованю за зренянинского бискупа монсиньора Мирка Штефковича.
Предсидатель Югас найсердечнєйше винчовал нововибраному зренянинскому бискупови визначуююци же його менованє представя припознанє його пошвеценосци и твардей вири.
«Прешвечени сом же зоз полно моци, мудросци и милосердия будзеце водзиц свою заєднїцу и щиро верим же вашо духовне вождство принєше вельо радосци и мира шицким хторим будзеце служиц», поручел предсидатель Югас.
У присустве велького числа вирнїкох, служба зоз обрядом пошвецованя отримана у катедрали святого Ивана Непомука у Зренянину.