Нови Сад, 20. май – Предсидатель Скупштини АП Войводини Балинт Югас и предсидателька Покраїнскей влади Мая Ґойкович бешедовали нєшка о сотруднїцтве и заєднїцких цильох двох институцийох по конституованю покраїнского парламенту и менованю Покраїнскей влади.
На схадзки наглашене же Скупштина АП Войводини и Покраїнска влада, як цо то и по тераз бул случай, зоз партнерским одношеньом, конструктивним и кооперативним сотруднїцтвом, предлужа доприношиц ришованю шицких питаньох хтори у їх компетенциї, а хтори од виталней значносци за АП Войводину и живот єй гражданох.
Предсидатель Югас прешвечени же Покраїнска влада, зоз подполну потримовку Скупштини АП Войводини, предлужи зоз реализацию започатих планох и проєктох и же будзе робиц на запровадзованю нових инициятивох и програмох зоз цильом дальшого економского, привредного и социялного змоцньованя покраїни.