Беоґрад/Нови Сад, 2. май – Предсидатель Скупштини АП Войводини Балинт Югас присуствовал у Народней скупштини Републики Сербиї на виборе Влади Републики Сербиї и пришаги предсидателя и членох Влади.
На Першей окремней схадзки Народней скупштини Републики Сербиї у Штернастим зволаню, за предсидателя Влади Републики Сербиї вибрани Милош Вучевич.
Предсидатель Югас у свойо мено, и у мено Скупштини АП Войводини, пожадал
предсидательови Вучевичови и шицким членом Влади вельо успиху у роботи визначуюци прешвеченє же нова Влада предлужи политику економского змоцньованя, дружтвеного напредованя и очуваня интеґритету Републики Сербиї.
«Скупштина АП Войводини порихтана, у складзе зоз своїма компетенциями, зоз полно елану допринєсц дальшому сотруднїцтву и витвореню поставених цильох новей Влади у заєднїцким интересу шицких гражданох Републики Сербиї», визначел предсидатель Югас.