почетна

Женска парламентарна мрежа Скупштини АП Войводини

Женска парламентарна мрежа Скупштини АП Войводини (у дальшим тексту: Женска парламентарна мрежа), як нєформална ґрупа посланїцох (без огляду на припадносц ґу политичней партиї) дїйствує пре витворйованє началох и цильох хтори ґарант парламентарней демократиї, владавини права и людских шлєбодох. Членїци Женскей парламентарней мрежи ровноправни у своїх правох и обовязкох.

Роботу Женскей парламентарней мрежи ушорює Дїловнїк Женскей парламентарней мрежи Скупштини АП Войводини. Програмни начала и цилї Женска парламентарна мрежа витворює заєднїцки и єдинствено прейґ промоциї права женох, активного уключованя до процесу приношеня одлукох як и у процесу моцнєня и ширеня демократиї у шицких дружтвених сферох, як цо то:

  • почитованє чловека, його достоїнства, правох и шлєбодох без огляду на вирску, расну и националну припадносц, пол, полну ориєнтацию, политичне прешвеченє и социялни стан;
  • защита правох роботнїкох и роботнїцох;
  • защита правох и шлєбодох заняганих, обезправених и особох зоз инвалидитетом;
  • защита правох националних меншинох;
  • витворйованє ровноправносци полох;
  • защита и унапредзенє положеня фамелиї;
  • защита и витворйованє интересох гражданкох и гражданох;
  • защита заґарантованих правох на власносц, здравствену и социялну защиту, образованє, роботу, пензию, животни штредок и других правох;
  • витворйованє и очуванє демократского, политичного и правного ушореня у держави, владавини права и социялней правди;
  • запровадзованє европских стандардох жица за шицки дружтвени пасма и складного и пошвидшаного дружтвеного розвою;
  • унапредзенє розвою Автономней Покраїни Войводини, локалней самоуправи и уровноваженє реґионалного розвою;
  • провадзенє приношеня и вивершеня одлукох и подношенє инициятивох.

У складзе зоз програмнима началами и цилями, Женска парламентарна мрежа сотрудзує з Одборами Скупштини АП Войводини (окреме з Одбором за ровноправносц полох), политичнима партиями, локалнима самоуправами, нєвладовим сектором, державнима и медзиреґионалнима институциями.

Орґани Женскей парламентарней мрежи тоти: Скупштина и Вивершни одбор. Женску парламентарну мрежу представя и заступа координаторка и заменїца координаторки. Робота Женскей парламентарней мрежи явна, прейґ орґанизованя явних сходох, трибинох, участвованя на округлих столох,  урядових интернет презентацийох и других способох дїйствованя на явне думанє гражданкох и гражданох.

З Дїловнїком Женскей парламентарней мрежи ше ушорює назву, явносц роботи, програмни начала и цилї, состав, права и обовязки членїцох, форми орґанизованя, орґани управяня, вибор, розришенє, тирванє мандату, преставанє з роботу, як и други питаня од значносци за роботу Женскей парламентарней мрежи.

Дїловнїк Женскей парламентарней мрежи Скупштини АП Войводини можеце превжац на шлїдуюцим линку:

Дїловнїк Женскей парламентарней мрежи Скупштини АП Войводини

 
Членїци Женскей парламентарней мрежи
 
Членїци Женскей парламентарней мрежи, 8. новембра 2016.
 
АКТИВНОСЦИ ЖЕНСКЕЙ ПАРЛАМЕНТАРНЕЙ МРЕЖИ СКУПШТИНИ АПВ
 
 
Чланице Женске парламентарне мреже на оснивачком састанку са гостима. Чортановци, септембар 2013.
 
Членїци Женскей парламентарней мрежи на сновательней схадзки зоз госцами, Чортановци, септембер 2013. 
 

 

Контакт: 

Тел: +381 21 487 41 68

       +381 21 487 44 34

e-mailzpmapv@skupstinavojvodine.gov.rs

Адреса: Скупштина Автономней Покраїни Войводини

Владики Платона бб

21000 Нови Сад

Република Сербия