Ґенерални секретар Скупштини

Ґенерални секретар Скупштини Автономней Покраїни Войводини  Никола Баняц

Скупштина Автономней Покраїни Войводини ма ґенералнoг секретарa, хторого менує Скупштина на предкладанє предсидателя Скупштини.

Ґенерални секретар Скупштини Автономней Покраїни Войводини то Никола Баняц, дипломовани правнїк мастер, хтори меновани за ґенералного секретара Скупштини Автономней Покраїни Войводини на першей схадзки 2. юния 2016. року.

 

Длужносци у Скупштини

  • Ґенерални секретар помага предсидательови и подпредсидательом Скупштини пририхтовац и водзиц схадзки, руководзи зоз Службу Скупштини, стара ше о запровадзованю актох хтори приноши Скупштина и окончує други роботи яки одредзени зоз Дїловнїком.
  • Ґенерални секретар за свою роботу одвичательни Скупштини и предсидательови Скупштини.

 

Биоґрафия

Народзени є 10. фебруара 1982. року.

Основну школу и Ґимназию „Йован Йованович Змай“ закончел у Новим Садзе. Високе образованє здобул на основних студийох Правного факултету Универзитету у Новим Садзе, як и на мастер студийох  2010. року на Правним факултету у Новим Садзе з тему закончуюцей роботи „Улога и значносц закончуюцого слова у судским бешеднїцтве“. Уписал докторски студиї 2011/2012. року на Универзитету у Новим Садзе. Ма положени правосудни и державни фахови испит за роботу у державних орґанох.

У Висшим суду у Новим Садзе, у виновним оддзелєню, робел як приправнїк – волонтер, потим як адвокатски приправнїк у адвокатскей канцелариї. Од 2010. року окончовал роботи шефа правней и общей служби у Покраїнским заводу за защиту природи, а од 2013. року окончовал функцию заменїка началнїка Городскей управи за защиту животного штредку Городу Нового Саду.
Бул член Городскей виберанковей комисиї у стаємним составе, а тераз є член Покраїнскей виберанковей комисиї у стаємним составе.

Рядови є член Матици сербскей од 2010. року. Автор є вецей фахових роботох з обласци судского бешеднїцтва и защити животного штредку хтори обявени у Глашнїку Адвокатскей комори Войводини и часописох, медзи иншим, Копаоницкей школи природного права и Октобарских правнїцких дньох у Баня Луки.
Окрем мацеринского сербского язика, бешедує и по анґлийски.

Оженєти є и ма двойо дзеци.

 

Контакт

e-mail: nbanjac@skupstinavojvodine.gov.rs

Тел: +381 21 487-4124

Факс: +381 21 456-241

Скупштина Автономней Покраїни Войводини

Владики Платона бч

21108 Нови Сад

Република Сербия

Заменїк ґенералного секретара Скупштини

Заменїк ґенералного секретара Скупштини

Ґенерални секретар Скупштини Автономней Покраїни Войводини ма заменїка хторого менує Скупштина на предкладанє ґенералнoг секретарa Скупштини зоз написану согласносцу предсидателя Скупштини.

Заменїк ґенералного секретара Скупштини Автономней Покраїни Войводини то Борис Баїч, дипл. правнїк - мастер, хтори меновани за заменїка ґенералного секретара Скупштини Автономней Покраїни Войводини на 15. схадзки 12. октобра 2017. року.


Длужносци у Скупштини

  • Заменїк помага у роботи ґенерални секретарови Скупштини и заменює го кед є одсутни або зопарти окончовац роботи.

Биоґрафия

Народзени є 20. септембра 1982. року.

Званє дипломовани правнїк - мастер здобул на Правним факултету Универзитету у Новим Садзе. Ма положени державни фахови испит по програми за високе образованє и испит за инспектора.

Приправнїцки стаж закончел 2009. року у Покраїнским секретарияту за образованє, предписаня, управу и национални меншини - национални заєднїци. По законченю приправнїцкого стажу, засновал роботне одношенє у Покраїнским секретарияту, дзе робел по менованє за заменїка ґенералного секретара Скупштини АП Войводини. Член є испитней комисиї за покладанє державного фахового испиту за кандидатох зоз штреднїм образованьом од 2013. року.

Бул предсидатель Надпатраюцого одбору у Новосадским театре - Újvidéki Színház, Нови Сад, потим член Надпатраюцого одбору Фонду „Европски роботи“ АП Войводини, на два заводи бул член преширеного составу Покраїнскей виберанковей комисиї, як и член Роботного цела Републичней виберанковей комисиї у городзе Нови Сад за запровадзованє виберанкох за народних посланїкох Народней скупштини Републики Сербиї.

Попри сербского и мадярского язика хтори бешедує як мацерински, бешедує и анґлийски язик.

Оженєти є и оцец єдного дзецка.


Контакт

e-mail: bbajic@skupstinavojvodine.gov.rs

Тел: +381 21 487-4143

Факс: +381 21 456-010

Скупштина Автономней Покраїни Войводини

Владики Платона бч

21108 Нови Сад

Република Сербия