Медзиреґионалне сотруднїцтво

Медзиреґионалне сотруднїцтво Скупштини АП Войводини ше витворює през реализацию активносцох з обласци медзиреґионалних одношеньох хтори подрозумюю роботи участвованя делеґацийох Скупштини АП Войводини у роботи медзинародних и реґионалних орґанизацийох и институцийох, запровадзованє и отримованє партнерских одношеньох и нащивох представительним целом других державох и реґионох. Активносци Скупштини АП Войводини у обласци медзиреґионалного сотруднїцтва ше запровадзує пре унапредзованє сотруднїцтва и швидшого розвою културного и економского партнерства медзи реґионами.

Компетенциї Скупштини АП Войводини з обласци медзиреґионалного сотруднїцтва утвердзени зоз Статутом Автономней Покраїни Войводини, Покраїнску скупштинску одлуку о Скупштини Автономней Покраїни Войводини и зоз Дїловнїком о роботи Скупштини Автономней Покраїни Войводини.

Скупштина АП Войводини запровадзела сотруднїцтво и запровадзує активносци з обласци медзиреґионалного сотруднїцтва зоз: Скупштину европских реґийох (АЕР), Орґанизацию за европску безпечносц (ОЕБС), Дунайским бироом Улм/Нови Улм и Совитом дунайских городох и реґийох (Codcr).

Скупштина Автономней Покраїни Войводини запровадзела сотруднїцтво зоз шлїдуюцима реґиями:
   
 Вуковарско-сримска жупания Вуковарско-сримска жупания

Вуковарско-сримска жупания то найвосточнєйша горватска жупания и находзи ше на подручу юговосточней Славониї и заходного Сриму. През тоту жупанию преходза важни медзинародни сухожемни драги, як и рични (Дунай и Сава). Шедзиско жупаниї то город Вуковар.

Жупания подзелєна на штири городи и двацец шейсц општини. Поверхносц Вуковарско-сримскей жупаниї 2.448 км². По попису жительства зоз 2001. року, Вуковарско-сримска жупания мала 204.768 жительох. Находзи ше на крайнїм сиверовостоку Републики Горватскей, медзи риками Дунайом и Саву.

Протокол о медзисобних одношеньох медзи АП Войводину (Република Сербия) и Вуковарско-сримску жупанию (Република Горватска), подписани 26. авґуста 2002. року *

Виява о намирох медзи Жупанийску скупштину Бач-Кишкун (Република Мадярска), Вуковарско-сримску жупанию (Република Горватска) и Скупштину АП Войводини (Република Сербия), подписана 25. юлия 2009. року *

http://www.vusz.hr/

Горня Австрия Горня Австрия

Горня Австрия то єдна од дзевец австрийских союзних покраїнох. Главни город тей покраїни то Линц. З оглядом же ма 1.408.165 жительох (2008), вона треца покраїна по чишлє жительох у Австриї, а по териториї хтора виноши 11.981,92 км², штварта по велькосци. Горня Австрия ше гранїчи з австрийскима покраїнами Долню Австрию, Штаєрску и Салцбурґом и зоз Нємецку и Ческу на заходзе и сиверу.

Виява о намирох медзи Скупштину АП Войводини (Република Сербия) и Покраїнским парламентом Горнєй Австриї (Австрия), подписана 25. априла 2005. року *

http://www.land-oberoesterreich.gv.at/cps/rde/xchg/ooe

Истарска жупания Истарска жупания

Истарска жупания то найзаходнєйша горватска жупания хтора облапя найвекшу часц Истарского полуострова (2.820 од 3.160 квадратних километерох). Управне шедзиско тей жупаниї то Пазин. Ю творя дзешец городи и трицец єдна општина, а вкупно ма 206.344 жительох.

Спорозуменє о сотруднїцтве медзи АП Войводину (Република. Сербия) и Истарску жупанию (Република Горватска), подписане 23. новембра 2006. року *

http://www.istra-istria.hr/

ШтаєрскаШтаєрска

Штаєрска то єдна од дзевец союзних покраїнох Републики Австриї хтора ше находзи у єй штреднєй и юговосточней часци. Главни город Штаєрскей то Ґрац, хтори после Бечу найвекши город у Австриї.

Зоз поверхносцу од 16.401,04 км², Штаєрска по велькосци друга покраїна у держави. По остатнїх податкох зоз 2011. року, Штаєрска ма вецей як 1,2 милиони жительох.

Виява о намирох медзи Скупштину АП Войводини (Република Сербия) и Скупштину Покраїни Штаєрскей (Австрия), подписана 24. новембра 2009. року *

http://www.verwaltung.steiermark.at/

АлбаАлба

Алба то жупания хтора ше находзи у штреднєй Румуниї, у покраїни Трансилваниї. Главни город жупаниї то Алба Юлия.

По попису жительства зоз 2002. року, на подручу тей жупаниї жили 382.747 жителє, а штредня густосц населєносци була 61 житель/км². Жупания Алба ма вкупну поверхносц од 6.242 км².

Протокол о намирох медзи Жупанию Алба (Румуния) и АП Войводину (Република Сербия), подписани 08. юлия 2011. року *

http://www.cjalba.ro/

 Кировоград Кировоград

Кировоград то город у штреднєй України и главни город истоменней обласци. Находзи ше коло двасто пейдзешат километери южно од главного городу Києва, у долїни рики Инґул, прицеки Южного Буґу. По прецени зоз 2012. року, у городзе жили 234.919 жителє.

Протокол о намирох Скупштини АП Войводини и реґиону Кировоград (Република Україна), подписани 18. мая 2011. року *

Яс-Надькун-СолнокЯс-Надькун-Солнок

Яс-Надькун-Солнок (жупания) то єдна од жупанийох реґиону вельких ровнїнох и сиверней Мадярскей, а находзи ше у заходней часци реґиї велькей сиверней ровнїни.

Зоз рику Тису тота жупания подзелєна на два часци, а свойо гранїци дзелї зоз мадярскима жупаниями Гевеш, Боршод-Абауй-Земплен, Гайду-Биґар, Бекеш, Чонґрад, Бач-Кишкун и Пешта. Поверхносц жупаниї 5.581,71 км², а шедзиско – город Солнок.

Писмо о намирох медзи Скупштину Автономней Покраїни Войводини (Република Сербия) и Скупштину Жупаниї Яс – Надькун – Солнок (Република Мадярска), подписане 08. децембра 2011. року *

http://www.jnszm.hu/portal/?lang=1&f=11&p=57

Бач-Кишкун Бач-Кишкун

Бач-Кишкун (жупания) то єдна зоз жупанийох реґиону вельких ровнїнох и сиверней Мадярскей, а находзи ше у южней часци реґиї велькей южней ровнїни.

Бач-Кишкун то жупания хтору омеджую рики Дунай и Тиса, а свойо гранїци дзелї зоз Сербию и мадярскима жупаниями: Пешта, Яс-Надькун-Солнок, Чонґрад, Бараня, Толна и Феєр. Поверхносц жупаниї 8.445,15 км², та є прето найвекша мадярска жупания. Шедзиско жупаниї город Кечкемет.

Виява о намирох медзи Скупштину АП Войводини (Република Сербия) и Жупанийску скупштину Бач-Кишкун (Република Мадярска), подписана 3. октобра 2007. року *

Виява о намирох медзи Жупанийску скупштину Бач-Кишкун (Република Мадярска), Вуковарско-сримску жупанию (Република Горватска) и Скупштину АП Войводини (Република Сербия), подписана 25. юлия 2009. року *

Протокол о сотруднїцтве медзи Скупштину Жупаниї Бач-Кишкун (Мадярска) и Скупштину Автономней Покраїни Войводини (Република Сербия), подписани 27. фебруара 2013. року *

http://www.kormanyhivatal.hu/hu/bacs-kiskun

ГесенГесен

Гесен єдна од шеснац нємецких союзних державох. Ма поверхносц од 21.110 км² и вецей як шейсц милиони жительох. Главни город Гесену то Визбаден, а главни економски центер – Франкфурт на Майни.

Заєднїцка Виява о намирох медзи Скупштину АП Войводини (Република Сербия) и Скупштину Покраїни Гесен (СР Нємецка), хтора подписана 06. марца 2012. року. *

https://www.hessischer-landtag.de/

Чонґрад  Чонґрад

Чонґрад (жупания) то єдна од жупанийох реґиону вельких ровнїнох и сиверней Мадярскей, а находзи ше у южней часци реґиї велькей южней ровнїни.

Жупанию Чонґрад рика Тиса дзелї на два часци. Тота жупания свойо гранїци дзелї зоз Сербию и Румунию и зоз мадярскима жупаниями: Бач-Кишкун, Яс-Надькун-Солнок и Бекеш. Поверхносц жупаниї 4.262,68 км², а єй шедзиско – город Сеґедин.

Протокол о сотруднїцтве медзи Скупштину Автономней Покраїни Войводини (Република Сербия) и Ґенералней скупштини Жупаниї Чонґрад (Мадярска), подписани 27. фебруара 2013. року *

http://www.csmkh.hu/

Република Сербска  Република Сербска

Република Сербска єдна зоз двох ентитетох хтори творя Босну и Герцеґовину. Други ентитет то Федерация Босни и Герцеґовини. Главни город Републики Сербскей то Баня Лука, найвекши привредни, политични и административни центер, шедзиско Влади и Народней Скуштини Републики Сербскей.

По податкох Републичного заводу за статистику число жительох Републики Сербскей зоз 2005. року 1.479.634 жительох.

Протокол о намирох Скупштини АП Войводини и Народней скупштини Републики Сербскей, подписани 05. априла 2011. року *

http://www.narodnaskupstinars.net/lat


Покрајина Баден-Виртемберг    Покраїна Баден-Виртемберґ

Баден - Виртемберґ то нємецка союзна держава (покраїна) хтора ше находзи на югозаходзе жеми. Настала 1952. року зоз зєдиньованьом покраїнох Виртемберґ -Баден, Баден и Виртемберґ -Хоенцолерн. Єй главни город то Штутґарт.

Зоз поверхносцу од 35.750 км² и зоз 10,7 милионами жительох, Баден-Виртемберґ треца и по поверхносци и по чишлє жительох спомедзи шеснац нємецких союзних державох.

Заєднїцка Виява о намирох медзи Скупштину АП Войводини (Република Сербия) и Скупштину Покраїни Баден-Виртемберґ (СР Нємецка), подписанa 25. юния 2014. року *

http://www.baden-wuerttemberg.de/de/startseite/


Покрајина Баден-Виртемберг  
 Прешовски самоуправни край

Реґион Прешов други реґион по велькосци у Словацкей. Состої ше з историйних реґионох сиверного, централного и (з часци) южного Спишу, Горнього и Долнього Шаришу и Горнього Земплину.

Пресцера ше 250 км од заходу на восток, а найвецей 80 км од северу по юг и гранїчи ше з двома державами: Польску (360 км) и Україну (38 км) и з трома реґионами у Словацкей: Кошицами, Банску Бистрицу и Жилину.

Моментално вецей як 800.000 жителє жию у реґиону Прешов, цо виноши скоро 15 посто жительства цалей жеми и то реґион з найвекшим числом жительох у жеми.

Главни город реґиону, Прешов, треци город по велькосци у Словацкей и ма коло 91,767 жительох.

Спорозуменє о сотруднїцтве медзи АП Войводину и Прешовским самоуправним крайом подписане 26. новембра 2014. року *

http://www.po-kraj.sk/en/welcome.html

* Надпомнуцe: Тeксти написани на сeрбским язику.

 

Скупштина европских реґийох

Автономна Покраїна Войводина члeнїца Скупштини европских реґийох (AER - Assembly of European Regions) од 2002. року.

Зоз члeнством у АЕР-у отворени дзвeри за швидшe уключованє до eвропских интeґративних процeсох, за здобуванє сознаньох з рижних обласцох, уключуюци и примeньованє eвропского законодавства и политики ЕвропскейУниї з аспeкту рeґионалного сотруднїцтва.

Єдна з вигодносцох АЕР–а то чeранка и обучованє фаховцох, хтори шe одвиваю прe зблїжованє рeґионох Eвропи и творeнє атмосфeри солидарносци мeдзи члeнїцами ткв. Трeцих жeмох.

Члeнство у Скупштини европских реґийох оможлївeло АП Войводини участвованє у дзeпоєдних з вeльочислeних програмох хтори тота орґанизация предвидзує, як цо то ЦЕНТУРИО або Лєтня школа - Скупштини европских реґийох. Тоти програми прeдвидзeни за едукацию и чeранку фаховцох з рижних обласцох зоз жeмох членїцох.

У марцу 2005. у Скупштини АП Войводини отримана Конференция о реґионализмe у орґанизациї АЕР-а.

 

Eвродисей програма

Eurodyssee

Eвродисей (Eurodyssee)

Програма "Eвродисей" (Eurodyssee) то медзиреґионална програма черанки младих медзи реґионами членами Скупштини европских реґионох (Assemby of European Regions - AER) хтора младим од 18 пo 30 роки дава можлївосц здобуц професионалне искуство у тирваню од трох пo седем мешаци и чечно научиц странски язик у єдним зоз 39 eвропских реґионох.

Цилї яки снователє Програми поставели ище 1985. року оставаю нєпременєти по нєшка, a то, попри здобуваня роботного искуства и усовершованя знаня странского язика, упознаванє реґиону домашнього, витворйованє приятельских контактох з другима учашнїками Програми, медзиреґионалне повязованє, як и оможлївйованє швидшого и квалитетнєйшого доставаня роботи док ше враца до свойого реґиону.

Скупштина европских реґионох то нєзависна орґанизация реґионох у Европи хтора облапя вецей як 270 реґиони зоз 33 жемох и 16 медзиреґионалних орґанизацийох. AП Войводина постала полноправни член Скупштини европских реґионох 2002. року, a член Програми "Eвродисей" oд новембра 2009. року.

На сайту Скупштини AП Войводини раз рочнє ше будзе обявйовац конкурс пре утвердзованє лїстини кандидатох за участвованє у Програми. Остатнї конкурс обявени у септембре 2009. року.

За вецей информациї о програми и обявених конкурсох нащивце www.eurodyssee.eu.

Контакт-особа: Саня Шифлиш

tel. 021/487-44-31, shiflish@skupstinavojvodine.gov.rs