Подпредсидателька Александра Дянкович

Подпредсидателька Александра Дянкович

Александра Дянкович вибрана за подпредсидательку Скупштини Автономней Покраїни Войводини на першей схадзки Скупштини, хтора отримана 2. юния 2016. року.

Членїца є Социялистичней партиї Сербиї и членїца посланїцкей ґрупи "Социялистична партия Сербиї" у Скупштини Автономней Покраїни Войводини.

 

Длужносци у Скупштини

• Подпредсидатель Скупштини Автономней Покраїни Войводини

 

Биоґрафия

Народзена є 8. новембра 1987. року у Новим Садзе.

Основну школу закончела у Равним Селу як ношитель Вуковей дипломи и школяр ґенерациї. Штредню економску школу "Светозар Милетич" у Новим Садзе закончела з одличним успихом. Основни студиї закончела на час 2009. року на Економским факултету у Суботици, оддзелєнє у Новим Садзе, напрям Финансиї, банкарство и осиґуранє.

Мастер студиї на Економским факултету Суботица закончела 2015. року и здобула званє Мастер економиста.

Роботну кариєру почала 2009. року у ЯП "Сербияґаз" Нови Сад як приправнїца у Служби финансийох. По положеним приправнїцким испиту у периодзе од 2011. по 2013. рок була розпоредзена до Кабинету ґенералного директора на роботох сотруднїка за финансиї. Од 2013. по 2015. рок була занята у компаниї "South Stream d.o.o." Нови Сад, инвеститор проєкту ґазоводу "Южни цек" на териториї Републики Сербиї, на месце сотруднїка за буджет и финансиї. На тей позициї окончовала найзложенши роботи у вязи зоз буджетованьом, финансийну оперативу и обезпечованьом средствох за финансованє проєктох, як и за финансийне даванє звитох "Ґазпром" ґрупи. Моментало є занята у ЯП "Сербияґаз" у Кабинету ґенералного директора.

У Социялистичней партиї Сербиї, коло других, окончує и функцию Секретара Вивершного совиту младежи СПС у Войводини.

Чечно бешедує по анґлийски и служи ше з русийским язиком. Успишно закончела числени семинари и обуки з обласци финансийох, комуникацийох, схопносцох прегваряня, лидерства.

 

Контакт

e-mail: adjankovic@skupstinavojvodine.gov.rs

Тел: +381 21 487-4112

Факс: +381 21 456-102

Скупштина Автономней Покраїни Войводини

Владики Платона бч

21000 Нови Сад

Република Сербия