Ґенерални секретар Скупштини
Скупштина Автономней покраїни Войводини ма ґенералного секретара хторого менує Скупштина на предкладанє предсидателя Скупштини.
Ґенерални секретар Скупштини Автономней покраїни Войводини то др Сандра Стойкович, менована за ґенералного секретара Скупштини Автономней покраїни Войводини на схадзки хтора отримана 23. фебруара 2023. року.
Длужносци у Скупштини
- Ґенерални секретар помага предсидательови и подпредсидательом Скупштини у пририхтованю и водзеню схадзкох, руководзи зоз Службу Скупштини, стара ше о запровадзованю актох хтори приноши Скупштина и окончує други роботи яки одредзени з Дїловнїком.
- Ґенерални секретар за свою роботу одвичательни Скупштини и предсидательови Скупштини.
Биоґрафия
Народзена є 1987. року у Новим Садзе. Дипломовала 2010. року на Правним факултету Универзитета у Новим Садзе з просекову оцену (9,52), мастер студиї закончела на истим факултету 2011. року з просекову оцену (9,60). Докторски студиї, напрям Явне право, закончела 2016. року на матичним факултету, з одбраньованьом докторскей дисертациї под назву: „Взаємне признаванє одлукох у виновних стварох и права обвинєних особох“.
Под час студийох, попри наставних активносцох, була уключена и до звоннкаставних активносцох- участвовала на реґионалних змаганьох з тимом Правного факултета Универзитета у Новим Садзе и окончовала лєтну фахову праксу у шедзиску Народней банки Републики Сербиї, у Беоґрадзе. Попри того, була стипендиста Републичней фондациї за розвой науковей и уметнїцкей младежи, стипендиста Фонда за млади таланти РС и стипендиста Министерства просвити, науки и технолоґийного розвою нєпреривно под час докторских студийох.
Була виглєдовач на проєкту Министерства просвити и науки Републики Сербиї: „Биомедицина, защита животного штредку и право“.
Участвовала на єдней медзинародней конференциї и на двох наукових конференцийох з медзинародну учасцу. Автор є пейцох публикованих роботох.
Положела державни фахови испит по програми за високе образованє. Зоз визначованьом закончела политичну академию Фондациї „Светозар Милетич“.
Роботне искуство здобула робяци перше у приватним секторе (од 1.7.2016. до 31.1.2019. року), окончуюци роботи з обласци роботно-правних одношеньох. Роботне искуство у явним секторе здобула робяци у Городскей управи за предписаня Городу Нового Саду (у периодзе од 11.2.2019. до 11.1.2021. року, на нормативно-правних роботох и студийно-аналитичних роботох) и у Служби Скупштини Автономней покраїни Войводини у хторей була на месце помоцнїка ґенералного секретара Скупштини Автономней покраїни Войводини, од 18. януара 2021. року.
Бешедує по анґлийски, щешлїво є одата и мац є троїх дзецох.
Контакт
e-mail: sstojkovic@skupstinavojvodine.gov.rs
Тел: +381 21 487-4124
Факс: +381 21 456-241
Скупштина Автономней Покраїни Войводини
Владики Платона 1
21101 Нови Сад
Република Сербия
Заменїк ґенералного секретара Скупштини
Заменїка ґенералного секретара менує Скупштина на предкладанє ґенералного секретара Скупштини, зоз согласносцу предсидателя Скупштини у писаней форми.
Заменїк ґенералного секретара Скупштини Автономней покраїни Войводини то Жолт Сакалаш, меновани за заменїка ґенералного секретара Скупштини Автономней покраїни Войводини на схадзки хтора отримана 25. априла 2024. року.
Длужносци у Скупштини
- Заменїк ґенералного секретара помага ґенералному секретарови у роботи и заменює го у случаю його одсутносци або зопартосци за окончованє роботох.
- Заменїк ґенералного секретара за свою роботу одвитує Скупштини и предсидательови Скупштини.
Биоґрафия
У городу дзе є народзени у Новим Садзе ходзел до Ґимназиї «Светозар Маркович» на мадярским язику, дзе закончел и Правни факултет Универзитету у Новим Садзе.
На студийох и по їх законченю усовершовал ше на факултетох у Нємецкей и Мадярскей. Року 2008. здобул званє дипломованого правнїка, а 2010. року закончел мастер студиї и постал добитнїк Винїмковей награди за витворени успих през студиранє на Универзитету у Новим Садзе. Зa стипендисту Бундестаґа (IPS) вибрани є 2011. року.
Роботне искуство здобувал у Општинским суду у Новим Садзе як судийски приправнїк – волонтер, а потим од 2009. року, з кратшима павзами, у покраїнскей администрациї. Од 2016. по 2020. рок ше находзи на месце подсекретара Покраїнского секретарияту за образованє, предписаня, управу и национални меншини – национални заєднїци. Од 2020. є подпредсидатель Покраїнскей влади и покраїнски секретар за образованє, предписаня, управу и национални меншини – национални заєднїци. Закончел Дипломатску академию при Министерстве вонкашнїх дїлох Републики Сербиї и положел правосудни испит. Член є одбору за образованє Националного совиту Мадярскей националней меншини.
Член є Союзу войводянских Мадярох.
Попри мацеринского – мадярского язика и сербского, чечно бешедує анґлийски и нємецки язик, а служи ше и зоз французким язиком.
Оженєти є.
Контакт
e-mail: sakalasz@skupstinavojvodine.gov.rs
Тел: +381 21 487-4102, +381 21 487-4107
Скупштина Автономней Покраїни Войводини
Владики Платона 1
21101 Нови Сад
Република Сербия