Предсидатель Скупштини

Балинт Югас

Биоґрафия

Балинт Югас народзени 7. новембра 1982. року у Суботици.  

Мастер студиї економиї закончел на Економским факултету Универзитета у Новим Садзе у Суботици, на напряме Аґробизнис, окремне польо наукового интересованя:  инвестицийна анализа аґрарних инвестицийох. На истим факултету дипломовал на напряме Дїловни инвестицийни системи, у обласци структурней анализи и проєктованя. Моментално є студент постдипломских студийох на Универзитету аґрарних и животних наукох Мадярскей.

Член є Союзу войводянских Мадярох од 2006. року, а у периодзе 2007–2011 року  бул  подпредсидатель СВМ; од 2007. року у континуитету є виберани за  члена  Совиту СВМ; од 2019. року три раз є виберани на место предсидателя Вивершного одбору СВМ. 

Од 2016. року окончовал длужносц управителя Фондациї «Просперитати» хтора запровадзує Програму економского розвою Войводини, хтора ше фундаментує на Стратеґиї териториялного и економского розвою войводянскей мадярскей заєднїци, хтора виробена на инициятиву предсидателя Союзу войводянских Мадярох Иштвана Пастора. Од 2022–2024 року бул предсидатель Скупштини општини Мали Идьош.  

Од 2004. року бул одборнїк у Скупштини општини Мали Идьош, а як совитнїк предсидателя општини Мали Идьош (2008–2012) бул задлужени за реализацию ИПА проєктох прейґгранїчного сотруднїцтва, сотруднїцтва з орґанами локалней самоуправи и з меснима заєднїцами, як и за виробок и реализацию стратеґийних документох. У периодзе 2007–2008 окончовал длужносц о.д. директора ЯП за Будовательну жем и драги општини Мали Идьош. У периодзе 2010–2012 бул член Управного одбору Фонду за потримовку инвестицийох у Войводини – Vojvodina investment promotion – VIP. Як заменїк покраїнского секретара у Покраїнским секретарияту за привреду, обезпечованє роботи и ровноправносц полох (2012–2016) ше занїмал з програмами розвою МШП, унапредзеня активних мирох обезпечованя роботи и реализацию проєктох ИПА медзиреґионалного  прейґгранїчного сотруднїцтва. 

Як часц програми черанки студентох, нащивйовал єден семестер на Факултету державних и правних наукох Центер за европски студиї Универзитета у Сеґедину, а фахове виучованє функционованя институцийох и орґанох ЕУ, процеси европских интеґрацийох и проєктного менаджменту, предлужел и 2008. року як стажиста у канцелариї посланїци Кинґи Ґал, у Европским парламенту.  Бул учашнїк, тренер и преподавач на числених тренинґох хтори орґанизовали National Democratic Institut (НДИ), «Robert Schumann» Институт, HUN-IDA UNDP,  Беоґрадски фонд за политичну окремносц, Széchenyi István коледж як и Аґенция за локалну демократию. 

Оженєти є и ма тройо дзеци.  

Контакт

имејл: kabinetpredsednika@skupstinavojvodine.gov.rs

Тел: +381 21 487-4102; 487-4107

Скупштина Автономней Покраїни Войводини

Владики Платона 1

21101 Нови Сад

Република Сербия