Подпредсидатель Дамир Зобеница

Дамир Зобеница вибрани за подпредсидателя Скупштини Автономней покраїни Войводини на першей схадзки Скупштини хтора отримана 25. априла 2024. року.

Член є Сербскей напредней странки и посланїцкей ґрупи «АЛЕКСАНДАР ВУЧИЧ – ВОЙВОДИНА НЄ ШМЕ СТАНУЦ.» у Скупштини Автономней покраїни Войводини.

Длужносци у Скупштини

•подпредсидатель Скупштини Автономней покраїни Войводини. 

Биоґрафия

Народзени є у Пули, 15. априла 1981. року.

Ґимназию „Светозар Маркович” закончел у Новим Садзе, а по тим дипломовал социолоґию на Филозофским факултету у Новим Садзе. Под час студийох, пол рока препровадзел у Зєдинєних Америцких Державох, у рамикох „Work and travel” програми.

До политики вошол 2008. року, як єден зоз сновательох Сербскей напредней странки у Новим Садзе. До Главного одбору Сербскей напредней странки (СНС) вошол 2012. року, а 2014. року постал подпредсидатель Вивершного одбору СНС. Член Предсидательства СНС постал 2016. року.

На першу политичну функцию ступел 2009. року, кед постал предсидатель месней заєднїци Сримска Каменїца. После того, постал одборнїк у Скупштини Городу Нового Саду, a 2012. року є вибрани за посланїка до Скупштини АП Войводини по векшинскей виберанковей системи.

Окончовал функцию совитнїка городоначалнїка Нового Саду од 2012. по 2016. рок.

У мандату од 2016-2020. року бул посланїк и подпредсидатель Скупштини АП Войводини, зоз лїстини „Александар Вучич – Сербия победзує“.

Член є Управного одбору Розвойного фонду Автономней Покраїни Войводини од 2016. року. Бул член Управного одбору ЯП „Дїловни простор” Нови Сад, як и член Надпатраюцого одбору „Шлєбодней царинскей зони” Нови Сад.

Од 2016-2017. року бул подпредсидатель Комитету 1 Скупштини европских реґийох (Assembly of European Regions, найвекшей мрежи реґийох Европи) хтори ше занїма з економскима и питанями реґионалного привредного сотруднїцтва. Од 2017-2019. року є вибрани за подпредсидателя Скупштини европских реґийох задлужену за дипломатию и Чарноморске сотруднїцтво, а од 2019. року є ревибрани за подпредсидателя Скупштини европских реґийох задлужену за реґионални и економски розвой. 

Попри мацеринского сербского язика, чечно бешедує по анґлийски, а служи ше и з италиянским язиком.

Оженєти є и оцец двоїх дзецох. 

Контакт

e-mail: dzobenica@skupstinavojvodine.gov.rs

Тел: +381 21 487-4134; 487-4124

Факс: +381 21 456-107

Скупштина Автономней Покраїни Войводини

Владики Платона 1

21101 Нови Сад

Република Сербия