Подпредсидатель Борис Новакович

Борис Новакович вибрани за подпредсидателя Скупштини Автономней покраїни Войводини на першей схадзки Скупштини хтора отримана 25. априла 2024. року.

Член є Социялистичней партиї Сербиї и посланїцкей ґрупи «Социялистична партия Сербиї (СПС) – Єдинствена Сербия (ЄС)» у Скупштини Автономней покраїни Войводини.

Длужносци у Скупштини

•подпредсидатель Скупштини Автономней покраїни Войводини. 

БИОҐРАФИЯ

Народзени є у Тузли, 15. октобра 1989. року.

Основну школу, перши два класи нащивйовал у основней школи «Йован Йованович Змай» у Суботици, а остаток школованя у основней школи «Святи Сава» у Модричи. Ґимназию закончел у Шредньошколским центру «Йован Цвиїч» у Модричи. Основни и мастер студиї закончел на Економским факултету у Суботици, Универзитета у Новим Садзе, на студийней програми Финансиї, банкарство и осиґуранє и здобул званє мастер економиста 2015. року.

Под час студийох активно участвовал у роботи студентских орґанизацийох як снователь и предсидатель. Тиж, бул член Студентского парламенту Економского факултету у Суботици у даскельо мандатох, предсидатель Студентского парламенту, член Наставно-науковей ради, член Совиту и студент продекан Економского факултету у Суботици. Єден мандат бул предсидатель Студентского парламенту и член Сенату Универзитету у Новим Садзе як и член Скупштини СКОНУС. 

Професионалну кариєру почал 2015. року  у Дому здравя «Нови Сад» Нови Сад, на роботох финансийней оперативи, а од 2018. року окончовал роботи як шеф оддзелєня за финансийни и рахунководительни роботи. Бул член Надпатраюцого одбору Дома здравя «Нови Сад» Нови Сад зоз шора занятих. Од 2024. року роби  у ЯП Сербияґаз.

У мандату Скупштини АПВ од 2020. по 2023. рок окончовал функцию предсидателя Посланїцкей ґрупи Социялистична партия Сербиї – Єдинствена Сербия и бул член административного и одбору за младеж и спорт Скупштини АПВ. Тиж, под час мандату бул и заменїк предсидателя Посланцкей ґрупи приятельства зоз Скупштину Републики Сербскей.

Активно ше бави з политику од 2013. року, перше як младежски активиста, по тим як предсидатель Социялистичней младежи Сербиї у Войводини и секретар Социялистичней младежи Сербиї. Член є Главного одбору СПС  и подпредсидатель Покраїнского одбору Социялистичней партиї Сербиї у Войводини.

Положел Державни фахови испит за роботу у орґанох державней управи, здобул сертификат за имплементацию системи Финансийнпго управяня и контроли, сертификат основного познаваня берзанского дїлованя як и сертификат о здобутих знаньох у обласци лидерства, комуникациї, прегваряня и лобираня.

Попри мацеринского сербского язика, бешедує по анґлийски.

Оженєти є и оцец є єдного дзецка.