Подпредсидателька Александра Малетич

Александра Малетич вибрана за подпредсидательку Скупштини Автономней покраїни Войводини на першей схадзки Скупштини хтора отримана 25. априла 2024. року.

Членїца є Сербскей напредней странки и посланїцкей ґрупи «АЛЕКСАНДАР ВУЧИЧ – ВОЙВОДИНА НЄ ШМЕ СТАНУЦ.» у Скупштини Автономней покраїни Войводини.

Длужносци у Скупштини

•подпредсидателька Скупштини Автономней Покраїни Войводини.

Биоґрафия

Народзена є 2. януара 1982. року, у Новим Садзе.

Оновну школу и Ґимназию «Светозар Маркович» закончела у Новим Садзе. Дипломовала на Филозофским факултету Универзитета у Новим Садзе, оддїл Психолоґия. После студийох психолоґиї нащивйовала едукациї за психотерапеута на РЕБТ придруженим тренинґ центру Института Алберт Елис з Ню Йорку.

Занята є у Управи за мaєток и маєтково-правни роботи. После стажираня у Дому здравя Нови Сад и положеного державного испиту у Министерстве здравя 2010. року, у даскелїх орґанизацийох робела як совитнїк през психотерапийну роботу.

Ґу Сербскей напредней странки приступeла 2009. року, а член Главного одбору постала 2014. року. Член є Вивершного одбору Сербскей напредней странки.

За одборнїка Скупштини городу Нового Саду вибрана є 2012. року на лїстини Сербскей напредней странки. Була Народни посланїк Сербскей напредней странки у двох мандатох; перши раз є вибрана за посланїка у Народней скупштини 2014. року, а потим и у шлїдуюцим мандату у периодзе 2016–2020 року. У Парламенту участвовала у роботи Одбору за роботу, социялни питаня, дружтвену уключеносц и зменшанє худобства, Одбору за дияспору и Сербох у реґионє, Одбору за културу и информованє. Тиж, под час мандату Народного посланїка  була член Делеґациї Народней скупштини у Парламентарней скупштини Медитерану и предшедовала зоз Стаємним одбором за диялоґ медзи цивилизациями и людски права и окончовала функцию подпредсидателя Парламентарней скупштини Медитерану. У марцу 2021. року є вибрана за подпредсидателя Ради реґийох Конґресу локалних и реґионалних власцох совиту Европи. З тим вибором постала и член Бироа Конґресу локалних и реґионалних власцох Совиту Европи  спред политичней ґрупациї ЕПП (European people’s party).

У мандату 2020–2024 була посланїк и  подпредсидатель Скупштини Автономней покраїни Войводини зоз лїстини «Александар Вучич – за нашо дзеци».

Контакт

e-mail: amaletic@skupstinavojvodine.gov.rs

Тел: +381 21 487-4134; 487-4124

Факс: +381 21 456-107 

Скупштина Автономней Покраїни Войводини

Владики Платона 1

21101 Нови Сад

Република Сербия