За розпатранє и претресанє питаньох з компетенциї Скупштини, предкладанє актох, спатранє обставинох у одредзених обласцох и окончованє других роботох, формує ше одбори як стаємни роботни цела. Одбори маю предсидателя и 10 членох, кед з Дїловнїком иншак нє одредзене.

1. Одбор за питаня уставно-правного положеня Покраїни
2. Одбор за административни и мандатни питаня
3. Одбор за националну ровноправносц
4. Одбор за сотруднїцтво з одборами Народней скупштини у витворйованю компетенцийох Покраїни
5. Одбор за предписаня
6. Одбор за привреду
7. Одбор за польопривреду
8. Одбор за урбанизем, просторне планованє и защиту животного штредку
9. Одбор за буджет и финансиї
10. Одбор за образованє и науку
11. Одбор за младеж и спорт
12. Одбор за здравство, социялну политику, роботу, демоґрафску политику и дружтвене старанє о дзецох
13. Одбор за културу и явне информованє
14. Одбор за представки и предлоги
15. Одбор за орґанизацию управи и локалну самоуправу
16. Одбор за утвердзованє идентичносци покраїнских предписаньох на язикох хтори ше службено хаснує
17. Одбор за безпечносц
18. Одбор за европски интеґрациї и медзиреґионалне сотруднїцтво
19. Одбор за ровноправносц полох

На основи члeна 44. Дїловнїка о роботи Скупштини Автономней Покраїни Войводини, предсидатель Скупштини, у догварки зоз предсидателями посланїцких ґрупох хтори заступени у Скупштини, предклада кандидатох за предсидательох и членох одборох, зрозмирно числу посланїкох яке тоти посланїцки ґрупи маю у Скупштини.

Скупштина може формовац, зоз шора посланїкох, анкетни одбори пре утвердзованє фактох о поєдиних зявеньох або подїйох. З Одлуку о формованю анкетного одбору ше утвердзує состав и задаток одбору.

Скупштина може формовац комисиї пре проучаванє конкретних питаньох од интереса за Покраїну. З актом о формованю ше одредзує задаток и состав комисиї.