Закон о утвeрдзованю одрeдзeних компeтeнцийох автономней покраїни

("Службени глашнїк РС", число 99/2009 и 67/2012 - одлука УС)

I. ОСНОВНИ ОДРЕДБИ

Член 1.

Зоз тим законом ше утвердзує компетенциї Автономней Покраїни Войводини (у дальшим тексту: АП Войводина) и ушорює други питаня од значносци за положенє АП Войводини.

Член 2.

АП Войводина, у складзе зоз Уставом Републики Сербиї (у дальшим тексту: Устав) и Статутом АП Войводини (у дальшим тексту: Статут), ушорює компетенцию, вибор, орґанизацию и роботу орґанох и службох хтори снує.

Медзиреґионалне сотруднїцтво

Член 3.

АП Войводина сотрудзує з одвитуюцима териториялнима заєднїцами других державох, у рамикох вонкашнєй политики Републики Сербиї, почитуюци териториялне єдинство и правни порядок Републики Сербиї.

АП Войводина заключує медзиреґионални спорозуменя у рамикох своєй компетенциї.

АП Войводина, може буц член европских и шветових здруженьох реґионох, у складзе зоз законом и Статутом.

Територия и символи АП Войводини

Член 4.

Територию АП Войводини творя териториї єдинкох локалних самоуправох, хтори утвердзени зоз законом.

Територию АП Войводини нє мож меняц без согласносци єй гражданох, хтора виражена на референдуме, у складзе зоз законом.

Референдум полноважни кед на нїм гласала векшина гражданох хтори маю виберанкове право и место биваня на териториї АП Войводини.

Одлука на референдуме зоз пасуса 2. того члена принєшена кед за ню гласала векшина яка утвердзена зоз законом, односно Статутом, у складзе зоз законом.

Город Нови Сад административни центер и шедзиско орґанох АП Войводини.

АП Войводина утвердзує символи АП Войводини и способ їх хаснованя, у складзе зоз Уставом и Статутом.

Медзисобне одношенє републичних и покраїнских орґанох

Член 5.

У витворйованю компетенцийох яки утвердзени з тим и другим законом, орґани АП Войводини витворюю сотруднїцтво зоз републичнима орґанами и орґанами єдинки локалней самоуправи.

При вивершованю законох и других предписаньох Републики Сербиї медзисобни одношеня орґанох Републики Сербиї и орґанох АП Войводини ше сную на правох и обовязкох републичних орґанох яки утвердзени зоз Уставом и законом, односно на правох и обовязкох орґанох АП Войводини яки утвердзени зоз Уставом, законом и Статутом.

Защита покраїнских посланїкох и других функционерох

Член 6.

Посланїк Скупштини АП Войводини нє може буц поволани на виновну одвичательносц, приварти або покарани пре винєшене думанє або даванє гласу на схадзки Скупштини АП Войводини або єй роботних целох.

Предсидатель и член вивершного орґана АП Войводини нє можу одвитовац за думанє яке винєшене на схадзки того орґана або Скупштини АП Войводини або за гласанє на схадзки вивершного орґана АП Войводини.

Маєток АП Войводини

Член 7.

Маєток АП Войводини, способ його хаснованя и розполаганя ше ушорює зоз законом.

У власносци АП Войводини, як форми явней власносци, находза ше ствари хтори на основи закона хасную орґани АП Войводини, явни подприємства и установи чий вона снователь и други рухоми и нєрухоми ствари, у складзе зоз законом зоз хторим ше ушорює явну власносц.

Финансованє компетенцийох АП Войводини

Член 8.

АП Войводина ма жридлово приходи зоз хторима финансує свойо компетенциї.

Файти и висину жридлових приходох АП Войводини ше одредзує зоз окремним законом.

Средства за окончованє зверених роботох обезпечує Република Сербия.

II. КОМПЕТЕНЦИЇ АП ВОЙВОДИНИ

Питаня од покраїнскей значносци и контрола уставносци и законїтосци

Член 9.

Питаня од покраїнскей значносци АП Войводина ушорює зоз своїма актами, у обласцох хтори у складзе зоз Уставом у компетенциї АП Войводини.

Акти зоз пасуса 1. того члена ше приноши у складзе зоз Уставом, потвердзенима медзинароднима контрактами, законом и Статутом АП Войводини.

Влада може, у складзе зоз Уставом и законом, пред Уставним судом порушац поступок за оцену уставносци або законїтосци одлуки АП Войводини, пред тим як вона ступи на моц. У тим случаю, Уставни суд може, по приношенє своєй одлуки, одложиц ступанє на моц оспореней одлуки АП Войводини, у складзе зоз Уставом и законом.

Влада односно други овласцени предкладач може порушац поступок за оценьованє уставносци або законїтосци общого акта АП Войводини, у складзе зоз Уставом и законом.

Вивершенє поєдинєчного акта або дїї орґана АП Войводини яка поднята на основи общого акта орґана АП Войводини чию ше уставносц або законїтосц оценює – може буц застановене, у складзе зоз Уставом и законом.

1. Просторне планованє, реґионални розвой и вибудов обєктох

Член 10.

АП Войводина, прейґ своїх орґанох, у обласци просторного планованя и реґионалного розвою, у складзе зоз законом:

ушорює розвойне планованє, у складзе з економску политику и стратеґию реґионалного розвою Републики Сербиї;
приноши одлуку о виробку реґионалних просторних планох и просторних планох окремней наменки за подруча на териториї АП Войводини;
приноши реґионални просторни плани и просторни плани окремней наменки за подруча на териториї АП Войводини;
формує комисию хтора окончує фахову контролу реґионалних просторних планох и просторних планох окремней наменки за подруча на териториї АП Войводини;
предклада єдну трецину членох комисиї хтора окончує фахову контролу просторних и урбанистичних планох у єдинки локалней самоуправи зоз териториї АП Войводини;
дава согласносц на просторни и урбанистични плани єдинкох локалней самоуправи зоз териториї АП Войводини;
предклада мири и активносци за Програму имплементациї Просторного плана Републики Сербиї за територию АП Войводини;
провадзи запровадзованє Програми имплементациї Просторного плана Републики Сербиї за територию АП Войводини;
приноши програму мирох и активносцох за запровадзованє реґионалного просторного плана АП Войводини;
провадзи запровадзованє програми мирох и активносцох за запровадзованє реґионалного просторного плана АП Войводини;
приноши програму мирох и активносцох за запровадзованє просторного плана окремней наменки за подруча на териториї АП Войводини;
провадзи запровадзованє програми мирох и активносцох за запровадзованє просторного плана окремней наменки за подруча на териториї АП Войводини;
провадзи запровадзованє програми мирох и активносцох за ровномирни реґионални розвой;
снує розвойну банку АП Войводини, у складзе зоз законом зоз хторим ше ушорює снованє, дїлованє и орґанизацию банкох;
розвива административни капацитети покраїнскей управи пре успишне хаснованє структурних и когезийних фондох Европскей униї.

Член 11.

АП Войводина, прейґ своїх орґанох, у обласци просторного и урбанистичного планованя и вибудови обєктох, у складзе зоз законом:

видава дозволи за вибудов и хаснованє обєктох чийо видаванє у компетенциї министерства хторе компетентне за роботи урбанизма и будовательства, а будує ше их у цалосци на териториї АП Войводини;
ришує по жалби процив ришеня општинскей односно городскей управи зоз териториї АП Войводини з обласци урбанизма и вибудови обєктох;
окончує инспекцийни надпатрунок у обласци просторного планованя и урбанизма на териториї АП Войводини;
окончує инспекцийни надпатрунок у обласци вибудови обєктох;
участвує у роботи комисийох и роботних целох яки формує министер хтори компетентни за роботи урбанизма и будовательства;
дава думанє на статут и общи акти Републичней аґенциї за просторне планованє и Инженєрскей комори Сербиї.

Роботи зоз пасуса 1. точки 1)–4) того члена ше окончує як зверени.

Член 12.

АП Войводина, прейґ своїх орґанох, у складзе зоз законом зоз хторим ше ушорює обласц биваня, ришує по жалби процив ришеня општинскей односно городскей управи на териториї АП Войводини.

Роботи зоз пасуса 1. того члена ше окончує як зверени.

2. Польопривреда

Член 13.

АП Войводина, прейґ своїх орґанох, у обласци польопривреди и руралного розвою, у складзе зоз законом:

(сцеран)
витворює средства од хаснованя польопривредней жеми на териториї АП Войводини у складзе зоз законом и предписує условия и способ розподзельованя и хаснованя тих средствох;
формує окремни буджет, фонди або други форми орґанизованя до хторих ше унапрямує средства зоз точки 2) того члена;
утвердзує фахово роботи на унапредзеню польопривредней продукциї и снує польопривредни служби за окончованє тих роботох;
пребера сновательни права над польопривреднима службами хтори основани на териториї АП Войводини;
снує проґнозно-звитодавну службу;
предклада компетентному министерству условия вивозу и увозу одредзених польопривредних продуктох.

Член 14.

АП Войводина, прейґ своїх орґанох, у обласци хаснованя польопривредней жеми, у складзе зоз законом, ришує по жалби процив ришеня општинскей односно городскей управи на териториї АП Войводини.

Роботи зоз пасуса 1. того члена ше окончує як зверени.

Статкарство и ветеринарство

Член 15.

АП Войводина, прейґ своїх орґанох, у обласци статкарства и ветеринарства, у складзе зоз законом:

приноши Длугорочну програму мирох за запровадзованє одховйовацкей програми за територию АП Войводини, у складзе з єдинствену програму Републики Сербиї;
формує Науково-фахови совит за статкарство;
приноши рочну програму мирох за запровадзованє одховйовацкей програми зоз точки 1) того пасуса на териториї АП Войводини;
дава согласносц за хаснованє у репродукциї квалитетного приплодного статку и пчолох за територию АП Войводини;
утвердзує виполнєносц условийох роботи на селекциї статку на териториї АП Войводини;
одредзує овласцену одховйовацку орґанизацию на териториї АП Войводини за водзенє селекциї у статкарстве;
дава согласносц овласценим одховйовацким орґанизацийом о зверйованю контроли над продукцию у статкарстве;
прима и обрабя документацию за додзельованє стимулуюцих и других средствох зоз буджету АП Войводини у обласци статкарства.

Роботи зоз пасуса 1. точка 4)-7) ше окончує як зверени.

3. Водопривреда

Член 16.

АП Войводина, прейґ своїх орґанох, у обласци водопривреди, у складзе зоз законом:

(сцеран)
приноши, запровадзує и надпатра рядово и позарядово мири одбрани од вонкашнїх и нукашнїх водох у складзе зоз прилапенима планами АП Войводини и Републики Сербиї;
управя зоз водовима ресурсами и штучнима и природнима водоцеками на териториї АП Войводини;
приноши водопривредну основу за територию АП Войводини, у скалдзе зоз водопривредну основу Републики Сербиї;
снує явне подприємство за ґаздованє зоз водами на териториї АП Войводини;
окончує инспекцийни надпатрунок у обласци водопривреди на териториї АП Войводини.

Роботи зоз пасуса 1. точка 6) того члена ше окончує як зверени.

Член 17.

АП Войводина, прейґ своїх орґанох, у обласци водох, у складзе зоз законом:

збера средства од надополнєньох за хаснованє водох чию висину утвердзує Влада;
видава водопривредни условия, водопривредну согласносц и водопривредну дозволу за обєкти и роботи на териториї АП Войводини.

Роботи зоз пасуса 1. того члена окончує ше як зверени.

4. Лєсарство

Член 18.

АП Войодина, прейґ своїх орґанох, у обласци лєсарства, у складзе зоз законом:

(сцеран)
снує явне подприємство за ґаздованє зоз лєсами на териториї АП Войводини;
окончує роботи инспекцийного надпатрунку у тей обласци, окрем инспекцийного надпатрунку на гранїчним преходзе.

Роботи зоз пасуса 1. точка 3) того члена ше окончує як зверени.

5. Ловство и рибарство

Член 19.

(сцеран)

Член 20.

АП Войводина, прейґ своїх орґанох, у обласци ловства, у складзе зоз законом:

приноши програму унапредзеня, защити и одхови дзивини за територию АП Войводини, у складзе зоз єдинствену програму за подруче Републики Сербиї;
установює и дава согласносц за ґаздованє з ловисками на териториї АП Войводини;
дава согласносц на ловни основи ловискох на териториї АП Войводини;
окончує роботи инспекцийного надпатрунку у обласци ловства, окрем инспекцийного надпатрунку над обтоком дзивини, обтоком продуктох животиньского походзеня и здравственим станом дзивини.

Роботи зоз пасуса 1. того члена ше окончує як зверени.

Член 21.

(сцеран)

Член 22.

АП Войводина, прейґ своїх орґанох, у обласци рибарства, у складзе зоз законом:

дава согласносц на програми унапредзеня рибарства на рибарских подручох на териториї АП Войводини;
уступа хасновац рибарски подруча на териториї АП Войводини;
збера средства од надополнєньох за хаснованє рибарского подруча на териториї АП Войводини;
окончує роботи инспекцийного надпатрунку у обласци защити и отримуюцого хаснованя рибового фонду хасновательох рибарских подручох у защицених природних доброх на териториї АП Войводини и обтоку рибох на териториї АП Войводини.

Роботи зоз пасуса 1. того члена ше окончує як зверени.

6. Туризем, погосцительство, банї и лїчилїща

Член 23.

АП Войводина, прейґ своїх орґанох, у обласци туризма, погосцительства, баньох и лїчилїщох, у складзе зоз законом:

ушорює планованє и розвой туризма за територию АП Войводини, у складзе зоз Стратеґию розвою туризма Републики Сербиї;
приноши Стратеґию розвою туризма АП Войводини, у складзе зоз Стратеґию розвою туризма Републики Сербиї, як и програми за єй запровадзованє;
предклада Влади акт о преглашеню туристичного простору на териториї АП Войводини;
предклада члена Комисиї за катеґоризацию туристичних местох;
снує Туристичну орґанизацию АП Войводини и други орґанизациї за унапредзованє и розвой туризма;
ушорює хаснованє минералних и термалних водох, балнеолоґийних и климатских ресурсох и може сновац банї и лїчилїща на териториї АП Войводини, у складзе зоз Стратеґию розвою туризма Републики Сербиї.

Член 24.

АП Войводина, прейґ своїх орґанох, у обласци туризма, у складзе зоз законом, орґанизує покладанє фахового испиту за локалного туристичного водзача и туристичного провадзача за подруче АП Войводини.

Роботи зоз пасуса 1. того члена ше окончує як зверени.

7. Защита животного штредку

Член 25.

АП Войводина, прейґ своїх орґанох, у обласци защити животного штредку, у складзе зоз законом:

(сцеран)
приноши акт о кладзеню природного добра под защиту, у складзе зоз законом зоз хторим ше ушорює защиту природи;
приноши програму защити животного штредку на своєй териториї у складзе зоз Националну програму, акцийним и санацийним планом и своїма интересами и специфичносцами;
приноши плани и програми управяня зоз природнима ресурсами и добрами у складзе зоз стратеґийнима документами;
контролує хаснованє и защиту природних ресурсох и доброх на териториї АП Войводини;
обезпечує континуовану контролу и провадзи стан животного штредку (мониторинґ) и приноши програму мониторинґу на своєй териториї хтора муши буц у складзе зоз програму мониторинґу яку приноши Влада за два роки;
дава условия за обезпеченє мирох и условийох защити животного штредку, на вимаганє орґана хтори компетентни за пририхтованє и приношенє просторних и урбанистичних планох, а на основи условийох и думаньох компетентних фахових орґанизацийох;
участвує у поступку пририхтованя и приношеня просторних и урбанистичних планох и других планох;
приноши екстерни план защити од нєщесцох, хтори состойна часц плана за реаґованє у позарядових ситуацийох на основи компетенциї зоз предписаня зоз хторим ше ушорює материю защити и ратованя;
у случаю нєщесца, преглашує стан загроженосци животного штредку на териториї АП Войводини, у складзе зоз законом зоз хторим ше ушорює защиту животного штредку;
снує буджетни фонд у складзе зоз предписаньом зоз хторим ше ушорює буджетну систему, хтори ше будзе финансовац зоз приходох яки витворени на териториї АП Войводини.

Покраїнски завод за защиту природи

Член 26.

АП Войводина, прейґ своїх орґанох, снує Покраїнски завод за защиту природи, пре окончованє роботох защити природи и природних доброх хтори ше у цалосци находза на териториї АП Войводини.

Национални парк Фрушка гора

Член 27.

(сцеран)

Член 28.

АП Войводина, прейґ своїх орґанох, у обласци защити и унапредзеня животного штредку, у складзе зоз законом:

окончує инспекцийни надпатрунок у обласци защити животного штредку и поднїма мири за одстраньованє нєзаконїтосцох у тей обласци, окрем инспекцийного надпатрунку:

у случаю нєщесца,
у обласци йонизуюцого зарйованя,
над прейґгранїчним рушаньом роби цо подпада под компетенцию републичней инспекциї за защиту животного штредку, як и над виполнєносцу условийох оператерох за доставанє дозволи за прейґгранїчне рушанє роби (радиоактивносц, одпад, отрови, субстанциї хтори очкодую озонски обмоток, защицени рошлїнски и животиньски файти),
над одредзенима обєктами на териториї АП Войводини, хтори ше одредзи з окремним актом;

дава согласносц на студию о прецени уплїву на животни штредок, за проєкти за хтори одобренє за вибудов видава компетентни покраїнски орґан за роботи урбанизма;
дава согласносц на звит о стратеґийней прецени уплїву на животни штредок за територию АП Войводини;
видава интеґровани дозволи за построєня и активносци за хтори дозволу и одобренє за вибудов и початок роботи, односно виводзенє або окончованє активносцох, видава други компетентни покраїнски орґан;
дава предходну согласносц у поступку приношеня основох, планох и програмох защити и унапредзованя защиценого природного добра, флори и фауни, лєсох и водох на териториї АП Войводини;
формує информацийну систему за защиту и унапредзенє животного штредку, як часц єдинственей информацийней системи Републики Сербиї;
ришує по жалби процив ришеня општинскей односно городскей управи на териториї АП Войводини;
окончує инцпекцийни надпатрунок над хаснованьом и защиту природних доброх и ресурсох.

Роботи зоз пасуса 1. того члена ше окончує як зверени.

8. Индустрия и ремеселнїцтво

Член 29.

АП Войводина, прейґ своїх орґанох, у обласци индустриї и ремеселнїцтва, у складзе зоз законом:

приноши план и програму ровномирного привредного розвою АП Войводини, у складзе зоз планом розвою Републики Сербиї;
утвердзує стари ремесла хтори характеристични за подруче АП Войводини и утвердзує и обезпечує мири за їх унапредзенє и розвой.

9. Драгови, рични и желєзнїцки транспорт

Член 30.

АП Войводина, прейґ своїх орґанох, у обласци драгового, ричного и желєзнїцкого транспорту, у складзе зоз законом:

ушорює и обезпечує условия и способ управяня, защити, отримованя и финансованя державних драгох II шора на териториї АП Войводини;
ушорює и обезпечує нукашнє плївбове превоженє, безпечносц плївби, условия и способ хаснованя, отримованя, означованя и защити нукашнїх плївних драгох, окрем плївних драгох на хторих важи медзинародни и медзидержавни режим плївби, пристанїщох, жимовнїкох и котвищох, чамцох и плївних пошореньох и поступаня у случаю плївбового нєщесца на териториї АП Войводини.

Член 31.

АП Войводина, прейґ своїх орґанох, у обласци явних драгох, драгового, ричного и желєзнїцкого транспорту, у складзе зоз законом, окончує инспекцийни надпатрунок на териториї АП Войводини.

Роботи зоз пасуса 1. того члена ше окончує як зверени.

10. Орґанизованє саймох и других привредних манифестацийох

Член 32.

АП Войводина, прейґ своїх орґанох, у обласци орґанизованя саймох и других привредних манифестацийох, у складзе зоз законом:

ушорює сайми и други привредни манифестациї од покраїнскей значносци;
ушорює снованє, катеґоризацию и способ роботи саямских центрох и утвердзує мрежу саямских и других привредних манифестацийох на териториї АП Войводини.

11. Просвита

Предшколске и основне образованє и воспитанє

Член 33.

АП Войводина, прейґ своїх орґанох, у обласци предшколского и основного образованя и воспитаня, у складзе зоз законом:

снує установи предшколского и обовязного основного образованя и воспитаня на териториї АП Войводини;
дава согласносц на акт о мрежи основних школох хтори приноши скупштина єдинки локалней самоуправи на основи критериюмох яки утвердзи Влада;
дава согласносц на орґанизованє видвоєного оддзелєня установи звонка шедзиска;
одлучує о верификациї установи на териториї АП Войводини;
дава согласносц на одлуку о преширеню дїялносци установи чий снователь Република Сербия, АП Войводина або єдинка локалней самоуправи;
дава согласносц на одлуку орґана управяня о пременки назви або шедзиска установи чий снователь Република Сербия, АП Войводина або єдинка локалней самоуправи;
одредзує школи у хторих школяре маю право закончиц почате образованє, кед ше школу утаргує у складзе зоз законом;
менує дочасни орґан управяня установи, кед членох орґана управяня нє менує єдинка локалней самоуправи по виходзенє мандата предходно менованим членом орґана управяня;
дава або одбива дац согласносц на одлуку о виборе директора установи;
поставя окончователя длужносци директора установи у случайох яки утвердзени зоз законом;
дава або одбива дац согласносц на одлуку о розришеню директора установи скорей як му видзе мандат пре потупенє закона;
предписує школски календар за основни школи на териториї АП Войводини;
дава одобренє на яки способ школа надополнї препущену роботу кед придзе до претаргнуца образовно-воспитней роботи;
прейґ покраїнского просвитного инспектора надпатра роботу установох на териториї АП Войводини и:

окончує нєпоштредни инспекцийни надпатрунок над установами у општини, односно городзе хтори нє орґанизовал таки надпатрунок;
дава инструкциї општини односно городу за окончованє инспекцийного надпатрунку;
пририхтує покраїнскому секретарови предлог ришеня по жалби процив першоступньового ришеня општинскей односно городскей управи хторе принєшене у окончованю инспекцийного надпатрунку;
витворює нєпоштредни надпатрунок над роботу општинскей односно городскей инспекциї, видава обовязни инструкциї за вивершованє законох и других предписаньох и контролує їх вивершованє;
одбера овласценє поєдиному инспекторови хтори роботу нє окончує благочасно, фахово, законїто и совисно и предклада утвердзиц одвичательносц у орґану хторому зверене окончованє инспекцийного надпатрунку;
орґанизує заєднїцки акциї зоз инспекторами у орґанох хторим зверене окончованє инспекцийного надпатрунку;
вимага звити, податки и обвисценя о окончованю зверених роботох инспекцийного надпатрунку и окончує други роботи у складзе зоз законом хтори на общи способ ушорює инспекцийни надпатрунок;

дава согласносц за реализацию настави и витворйованє школскей програми на язикох националних меншинох за менєй як 15 школярох у установох на териториї АП Войводини;
дава согласносц на снованє заєднїцкей фаховей служби за шицки основни школи на териториї општини;
окончує нострификацию и припознаванє еквиваленциї свидоцтвох и дипломох хтори здобути у иножемстве;
дава думанє у поступку приношеня наставних планох и програмох;
приноши наставни програми за язики националних меншинох;
одобрує учебнїки и наставни средства за язики националних меншинох;
спорозумно зоз компетентним министром приноши наставни плани и програми зоз поєдиних предметох од интересу за национални меншини и утвердзує условия и способ орґанизованя настави на язикох националних меншинох;
спорозумно зоз компетентним министром одобрує учебнїки и наставни средства за поєдини предмети од интересу за национални меншини;
формує комисию и орґанизує покладанє испиту за директора установи;
формує комисию и орґанизує покладанє испиту за лиценцу за наставнїкох, воспитачох и фахових сотруднїкох;
формує комисию и орґанизує покладанє фахового испиту за секретара установи;
сотрудзує зоз министерством хторе компетентне за роботи образованя у поступку формованя школскей управи.

Роботи зоз точки 23), 24) и 25) того члена ше окончує на єдинствени способ и под єднакима условиями, яки, у складзе зоз законом, предписує компетентни министер за цалу територию Републики Сербиї.

Роботи зоз пасуса 1. того члена окончує ше як зверени, окрем точки 1), точки 18)-22) и точки 26).

Штреднє образованє и воспитанє

Член 34.

АП Войводина, прейґ своїх орґанох, у обласци штреднього образованя и воспитаня, у складзе зоз законом:

снує установи штреднього образованя и воспитаня на териториї АП Войводини;
утвердзує мрежу штреднїх школох на териториї АП Войводини;
утвердзує число школярох за упис до штреднєй школи;
дава согласносц на орґанизованє видвоєного оддзелєня установи звонка шедзиска;
одлучує о верификациї установи на териториї АП Войводини;
дава согласносц на одлуку о преширеню дїялносци установи чий снователь Република Сербия, АП Войводина або єдинка локалней самоуправи;
дава согласносц на одлуку орґана управяня о пременки назви або шедзиска установи чий снователь Република Сербия, АП Войводина або єдинка локалней самоуправи;
одредзує школи у хторих школяре маю право закончиц почате образованє, кед ше школу утаргує у складзе зоз законом;
менує дочасни орґан управяня установи, кед членох орґана управяня нє менує єдинка локалней самоуправи по виходзенє мандату предходно менованим членом орґана управяня;
дава або одбива дац согласносц на одлуку о виборе директора установи;
поставя окончователя длужносци директора установи у случайох яки утвердзени зоз законом;
дава або одбива дац согласносц на одлуку о розришеню директора установи скорей як видзе мандат пре потупенє закона;
предписує школски календар за штреднї школи на териториї АП Войводини;
дава одобренє на яки способ школа надополнї препущену роботу кед придзе до претаргнуца образовно-воспитней роботи;
прейґ покраїнского просвитного инспектора надпатра роботу установох на териториї АП Войводини и:

окончує инспекцийни надпатрунок над установами у општини односно городзе хтори нє орґанизовали тот надпатрунок;
дава инструкциї општини односно городу за окончованє инспекцийного надпатрунку;
пририхтує покраїнскому секретарови предлог ришеня по жалби процив першоступньового ришеня општинскей односно городскей управи хторе принєшене у поступку окончованя инспекцийного надпатрунку;
витворює нєпоштредни надпатрунок над роботу општинскей односно городскей инспекциї, видава обовязни инструкциї за вивершованє законох и других предписаньох и контролує їх вивершованє;
одбера овласценє инспекторови хтори роботу нє окончує благочасно, фахово, законїто и совисно и предклада утвердзованє одвичательносци у орґану хторому зверене окончованє инспекцийного надпатрунку;
орґанизує заєднїцки акциї зоз инспекторами у орґанох хторим зверене окончованє инспекцийного надпатрунку;
вимага звити, податки и обвисценя о окончованю зверених роботох инспекцийного надапатрунку и окончує други роботи у складзе зоз законом хтори на общи способ ушорює инспекцийни надпатрунок;

дава согласносц за реализацию настави и витворйованє школскей програми на язикох националних меншинох за менєй як 15 школярох у установох на териториї АП Войводини;
утвердзує висину школарини за особи хтори здобули штреднє образованє, а жадаю ше преквалификовац або доквалификовац, здобуц специялистичне або майсторске образованє;
дава согласносц на число школярох за здобуванє фаховей оспособеносци, преквалификациї, доквалификациї и специялизациї;
окончує нострификацию и припознаванє еквиваленциї свидоцтвох и дипломох хори здобути у иножемстве;
водзи поступок за защиту правох школярох;
дава думанє у поступку приношеня наставних планох и програмох;
приноши наставни програми за язики националних меншинох;
одобрує учебнїки и наставни средства за язики националних меншинох;
спорозумно зоз компетентним министром приноши наставни плани и програми зоз поєдиних предметох од интересу за национални меншини и утвердзує условия и способ орґанизованя настави на язикох националних меншинох;
спорозумно зоз компетентним министром одобрує учебнїки и наставни средства за поєдини предмети од интересу за национални меншини;
за штреднї школи од окремного интересу за Републику Сербию и уникатни школи предклада скупштини єдинки локалней самоуправи трох визначних представительох привредней комори, здруженя роботодавательох, Националней служби за обезпечованє роботи, синдикату и других заинтересованих за роботу школи за членох школского одбору;
формує комисию и орґанизує покладанє испиту за директора установи;
формує комисию и орґанизує покладанє испиту за лиценцу за наставнїкох, воспитачох и фахових сотруднїкох;
формує комисию и орґанизує покладанє фахового испиту за секретара установи;
сотрудзує зоз министерством хторе компетентне за роботи образованя у поступку формованя школскей управи.

Роботи зоз пасуса 1. точка 27), 28) и 29) того члена ше окончує на єдинствени способ и под єднакима условиями яки, у складзе зоз законом, предписує компетентни министер за цалу територию Републики Сербиї.

Роботи зоз пасуса 1. того члена ше окончує як зверени, окрем точки 1), точки 21)-25) и точки 30).

Високе образованє

Член 35.

АП Войводина, прейґ своїх орґанох, у обласци високого образованя, у складзе зоз законом:

предклада члена Нционалного совиту за високе образованє;
видава дозволи за роботу високошколским установом на териториї АП Войводини;
окончує инспекцийни надпатрунок и надпатрунок над законїтосцу роботи високошколскей установи на териториї АП Войводини;
снує самостойни високошколски установи;
кед престанє робота високошколскей установи пре одберанє дозволи за роботу або други причини, на предкладанє Националного совиту за високе образованє приноши акт зоз хторим ше обезпечує законченє студийох студентом тей високошколскей установи;
приноши одлуки о пременки назви, шедзиска и статусни пременки за самостойни високошколски установи чий снователь АП Войводина;
приноши одлуку о утаргованю високошколскей установи чий снователь АП Войводина;
менує представительох снователя совиту високошколскей установи чий снователь АП Войводина;
приноши одлуку о чишлє студентох за упис на перши рок студийней програми хторих ше финансує зоз буджету за високошколску установу чий снователь АП Войводина, потим як обезпечи думанє високошколскей установи и Националного совиту за високе образованє, найпознєйше два мешаци пред розписованьом конкурсу;
оглашує диплому як нїчомну кед ю видала нєовласцена орґанизация;
видава потвердзенє же архивни материял знїщени або скапал;
обезпечує податки о странскей високошколскей установи и домашнєй високошколскей установи за потреби вреднованя странскей або домашнєй студийней програми.

Роботи зоз пасуса 1. того члена ше окончує як зверени, окрем роботох зоз точки 1).

Школярски и студентски стандард

Член 36.

АП Войводина, прейґ своїх орґанох, у обласци школярского и студентского стандарду, у складзе зоз законом:

утвердзує мрежу домох школярох и студентских центрох и других установох школярского и студентского стандарду на териториї АП Войводини;
снує и утаргує установи школярского и студентского стандарду на териториї АП Войводини;
утвердзує виполнєносц условийох за початок роботи и окончованє дїялносци установох школярского и студентского стандарду и одлучує о забрани їх роботи на териториї АП Войводини;
одлучує по пригварки на одлуки о приманю школярох и студентох до установох школярского и студентского стандарду;
ришує о одбераню правох школярох и студентох, яки утвердзени зоз законом;
запровадзує конкурс за приманє до домох школярох и студентох;
утвердзує способ и поступок розподзельованя местох у домох;
утвердзує способ и поступок розподзельованя абонентских кнїжочкох;
утвердзує условия за реґресованє превоженя школярох и студентох у медзигородским транспорту;
дава согласносц на акт о орґанизациї и систематизациї роботох установох школярского и студентского стандарду, у складзе зоз нормативами и стандардами хтори предписує компетентни министер за цалу територию Републики Сербиї;
менує и розришує членох управного и надпатраюцого одбору у установох школярского и студентского стандарду;
менує и розришує директорох установох школярского и студентского стандарду;
окончує инспекцийни надпатрунок и надпатрунок над законїтосцу роботи установох.

Роботи зоз пасуса 1. того члена ше окончує як зверени, окрем роботох зоз точки 7) и 8).

Нєформалне образованє одроснутих

Член 37.

АП Войводина, прейґ своїх орґанох, у складзе зоз законом и стратеґию розвою образованя одроснутих у Републики Сербиї, блїжей ушорює питаня хтори ше одноша на орґанизоване и институцийне образованє звонка школскей системи пре фахове оспособйованє и обуку одроснутих на териториї АП Войводини, як питаня од покраїнскей значносци.

Образованє националних меншинох

Член 38.

АП Войводина, прейґ своїх орґанох, блїжей ушорює и обезпечує витворйованє права националних меншинох на образованє на мацеринским язику, на шицких уровньох образованя, у складзе зоз законом.

12. Спорт

Член 39.

АП Войводина, прейґ своїх орґанох, у обласци спорта, у складзе зоз законом:

утвердзує потреби и интереси гражданох у обласци спорта на териториї АП Войводини и обезпечує средства за витворйованє тих потребох и интересох;
утвердзує спортски обєкти од интересу за АП Войводину и мерадла за обезпечованє средствох у буджету АП Войводини за їх вибудов, опреманє и отримованє;
утвердзує програми медзинародних спортских змаганьох од интересу за АП Войводину;
менує и розришує директора, предсидателя и членох управного и надпатраюцого одбору орґанизацийох за окончованє спортских дїялносцох чийо ше програми, з якима ше витворює интерес гражданох у обласци спорта на териториї АП Войводини, финансує у цалосци або преважно зоз буджету АП Войводини;
обезпечує условия за роботу або окончованє дїялносци Покраїнского заводу за спорт и других орґанизацийох у обласци спорта чий снователь АП Войводина;
ушорює и водзи евиденциї у обласци спорта од значносци за АП Войводину.

Покраїнски спортски союз предклада покраїнскому орґану управи хтори компетентни за роботи спорта, програми своїх членох з якима ше витворює интерес гражданох зоз пасуса 1. точка 1) того члена.

Програми зоз пасуса 2. того члена ше финансує зоз буджету АП Войводини.

Член 40.

АП Войводина, прейґ своїх орґанох, у обласци спорта, у складзе зоз законом:

блїжей ушорює условия за окончованє спортских дїялносцох орґанизацийох у обласци спорта зоз териториї АП Войводини и утвердзує виполнєносц тих условийох;
утвердзує виполнєносц условийох за орґанизованє спортских змаганьох на териториї АП Войводин;
ушорює блїзши условия и надпатра хаснованє явних спортских теренох и утвердзує виполнєносц условийох за їх хаснованє;
окончує инспекцийни надпатрунок над роботу орґанизацийох и поєдинцох у обласци спорта зоз териториї АП Войводини и над применьованьом предписаньох зоз хторима ушорена обласц спорта;
окончує надпатрунок над фахову роботу у обласци спорта.

Роботи зоз пасуса 1. того члена ше окончує як зверени.

13. Култура

Член 41.

АП Войводина, прейґ своїх орґанох, у обласци култури, у складзе зоз законом:

утвердзує потреби и интерес гражданох на териториї АП Войводини у обласци култури и обезпечує средства за їх витворйованє;
ушорює потреби и интерес у обласци култури националних меншинох и обезпечує средства за їх витворйованє;
снує архиви, музеї, библиотеки, театри, заводи и други установи у обласци култури;
утвердзує Програму културного розвою АП Войводини, у складзе зоз Стратеґию културного розвою Републики Сербиї;
предклада часц Стратеґиї културного розвою Републики Сербиї за територию АП Войводини;
утвердзує награди и ушорює способ и поступок їх додзельованя за потримованє културней творчосци у поєдиних обласцох култури, або за окремне доприношенє у обласци културней творчосци;
витворює медзиреґионалне сотруднїцтво у обласци култури на проєктох од интересу за розвой култури на териториї АП Войводини;
окончує сновательни права у поглядзе менованя директора и членох управного и надпатраюцого одбору установох култури чию ше роботу, отримованє и програми финансує у цалосци або з векшей часци зоз буджету АП Войводини;
обезпечує средства за роботу, инвестицийне и чечуце отримованє, односно финансованє часци програмох установох култури чий снователь АП Войводина;
обезпечує средства за роботу, инвестицийне и чечуце отримованє и опреманє, односно за програми других установох и орґанизацийох чий снователь нє АП Войводина, а доприноша розвою култури и уметносци у АП Войводини, або обезпечую розвой култури припаднїкох националних меншинох, на основи окремней одлуки хтора утвердзує мерадла, критериюми и поступок додзельованя тих средствох.

Защита културних доброх

Член 42.

АП Войводина, прейґ своїх орґанох, у складзе зоз законом хтори ушорює обласц защити културних доброх:

утвердзує функциї матичних установох у обласци защити културних доброх и то: Архиву Войводини у Новим Садзе, Библиотеки Матици сербскей у Новим Садзе, Музею Войводини у Новим Садзе, Музею сучасней подобовей уметносци у Новим Садзе и Театралного музею Войводини;
предписує дополнююци условия за роботу установох зоз точки 1) того пасуса;
утвердзує виполнєносц условийох за початок роботи и окончованє дїялносци установох защити на териториї АП Войводини;
менує членох управного и надпатраюцого одбору и директора установох зоз точки 1) того пасуса, окрем Библиотеки Матици сербскей, а у Архиве Войводини и Покраїнским заводзе за защиту памятнїкох култури у Новим Садзе предсидателя и єдного члена управного одбору и предсидателя надпатраюцого одбору ше менує на предкладанє министерства хторе компетентне за роботи култури;
менує членох управного и надпатраюцого одбору и директора других установох защити на териториї АП Войводини, з тим же ше двох членох управного и єдного члена надпатраюцого одбору тих установох менує на предкладанє министерства хторе компетентне за роботи култури;
снує установи у обласци защити зоз точки 1) того пасуса и утвердзує мрежу установох защити на териториї АП Войводини, окрем Библиотеки Матици сербскей;
порушує поступок за утвердзованє нєрухомих културних доброх на териториї АП Войводини;
видава дозволи странским державяном за хаснованє архивного материялу и филмованого архивского материялу;
утвердзує условия за поднїманє мирох технїчней защити и других роботох на нєрухомих културних доброх кед за територию АП Войводини проєкт и документацию за тоти роботи роби завод за защиту памятнїкох култури;
у чаше седем дньох обвисцує Покраїнски завод за защиту памятнїкох култури у Новим Садзе о утвердзених условийох, кед тоти условия утвердзує завод зоз териториї АП Войводини;
дава согласносц на проєкт и документацию за поднїманє мирох технїчней защити и других роботох на нєрухомих културних доброх кед проєкт и документацию роби завод за защиту памятнїкох култури зоз териториї АП Войводини;
дава думанє о нарисох просторних и урбанистичних планох за територию АП Войводини и обвисцує компетентни орґан кед план нє ма предписани змист;
видава дозволу за премесценє нєрухомого културного добра на териториї АП Войводини на нову локацию, окрем културного добра од велькей значносци, або културного добра од окремней значносци;
застановює будовательни и други роботи на археолоґийних находзискох, як и при пренаходзеню археолоґийних предметох;
видава одобренє за виношенє доброх хтори уживаю предходну защиту до иножемства;
формує комисию при одвитуюцей матичней установи защити за покладанє фахового испиту занятих у установох защити културних доброх;
порушує поступок за застановенє вивершеня просторних и урбанистичних планох кед вони загрожую защиту памятнїкох култури на териториї АП Войводини;
окончує надпатраунок над роботу установох защити на териториї АП Войводини.

Роботи зоз пасуса 1. точка 1), 4), 8) и од 13) по 18) того члена ше окончує як зверени.

Кинематоґрафия и филмска уметносц

Член 43.

АП Войводина, прейґ своїх орґанох, у складзе зоз законом хтори ушорює обласц кинематоґрафиї, окончує инспекцийни надпатрунок.

Такси и надополнєня хтори ше збера на основи предписаньох у обласци кинематоґрафиї то приход буджету АП Войводини за обовязнїкох чийо шедзиско на териториї АП Войводини, кед ше место даваня на хаснованє, явне приказованє або предаванє видеокасетох находзи на териториї АП Войводини, односно спрам места емитованя и початней станїци превозного средства дзе ше емитованє окончує.

Трошки видаваня маркочки, у складзе зоз законом, то приход видавателя маркочки.

Роботу зоз пасуса 1. того члена ше окончує як зверену.

Завитованя, фонди и фондациї

Член 44.

АП Войводина, прейґ своїх орґанох, у обласци завитованьох, фондацийох и фондох, у складзе зоз законом:

одобрує снованє завитованьох, фондацийох и фондох на териториї АП Войводини и шицки пременки яки ше зявюю у їх роботи;
водзи реґистер завитованьох, фондацийох и фондох хтори ше снує на териториї АП Войводини.

Роботи зоз пасуса 1. того члена ше окончує як зверени.

Библиотекарска дїялносц

Член 45.

АП Войводина, прейґ своїх орґанох, у обласци библиотекарскей дїялносци, у складзе зоз законом:

утвердзує мрежу библиотекох на териториї АП Войводини;
снує библиотеки хторим ше на териториї АП Войводини утвердзує матични функциї;
утвердзує блїзши условия за роботу библиотекох;
утвердзує виполнєносц условийох за початок роботи и окончованє дїялносци библиотекох;
утвердзує состав управних и надпатраюцих одборох у библиотекох хтори окончую матичну функцию и менує членох тих орґанох;
менує и розришує директорох библиотекох хтори окончую матични функциї, зоз согласносцу директора Народней библиотеки Сербиї;
формує комисию за покладанє фахового испиту занятих у библиотекох;
окончує надпатрунок над роботу орґанизацийох хтори окончую библиотекарску дїялносц на териториї АП Войводини.

Роботи зоз пасуса 1. точка 1), 2) и од 4) по 8) того члена ше окончує як зверени.

Видаванє публикацийох

Член 46.

АП Войводина, прейґ своїх орґанох, у обласци видаваня публикацийох, у складзе зоз законом, окончує надпатрунок над роботу видавательох и других правних особох хтори реґистровани за видаванє публикацийох.

Роботи зоз пасуса 1. того члена ше окончує як зверени.

14. Здравствена и социялна защита

Здравство

Член 47.

АП Войводина, прейґ своїх орґанох, у складзе зоз законами хтори ушорюю систему у обласци здравства, окончує шлїдуюци роботи:

дружтвене старанє за здравє на уровню АП Войводини хторе облапя мири за обезпечованє и запровадзованє здравственей защити од интересу за гражданох на териториї АП Войводини;
приноши окремни програми здравственей защити за поєдини катеґориї жительства або файти хоротох хтори специфични за АП Войводину, а за нїх нє принєшена окремна програма здравственей защити на републичним уровню, у складзе зоз своїма можлївосцами, и утвердзує цени поєдинєчних услугох або програмох;
снує здравствени установи на териториї АП Войводини у складзе зоз Планом мрежи здравствених установох хтори приноши Влада, и то: общи шпиталь, специялни шпиталь, клинїку, институт, клїнїчни центер, завод за явне здравє, завод за трансфузию креви и завод за антирабичну защиту;
снує завод за явне здравє за територию АП Войводини хтори координує и провадзи фахову роботу заводох за явне здравє и других здравствених установох хтори окончую гиґиєнско-епидемиолоґийну и социялно-медицинску дїялносц на териториї АП Войводини, предклада длугорочни мири здравственей защити зоз приоритетами и методолоґийно руководзи зоз їх запровадзованьом на териториї АП Войводини, предклада заводу за явне здравє хтори основани за територию Републики Сербиї потребни мири у елементарних и других векших нєпогодох и нєщесцох и окончує їх запровадзованє у сотруднїцтве зоз другима установами;
снує завод за трансфузию креви за територию АП Войводини, хтори окончує дїялносц у складзе зоз законом зоз хторим ше ушорює трансфузиолоґийну дїялносц;
дава предкладанє за утвердзованє Плана мрежи здравствених установох хтори приноши Влада за здравствени установи на териториї АП Войводини;
менує и розришує директорох, заменїкох директорох, членох управного и надпатраюцого одбору здравствених установох чий вона снователь;
дава согласносц на статути здравствених установох чий вона снователь;
утвердзує тижньови розпорядок роботи, початок и законченє роботного часу у здравственей установи чий вона снователь;
утвердзує тижньови розпорядок роботи, початок и законченє роботного часу здравствених установох и приватней пракси хтори ше находза на териториї АП Войводини под час епидемийох и одстраньованє пошлїдкох яки спричинєли елементарни и други векши нєпогоди и позарядово обставини, за епидемиї и други векши нєпогоди и позарядово обставини на териториї АП Войводини;
дава предкладанє министрови хтори компетентни за роботи здравя за утвердзованє числа приправнїкох у здравствених установох зоз шедзиском на териториї АП Войводини, хторих здравствени установи длужни прияц на окончованє приправнїцкого стажу на рочним уровню;
дава думанє на План розвою кадру у здравстве, хтори приноши министер цо компетентни за роботи здравя, за установи хтори ше находза на териториї АП Войводини;
дава предкладанє министрови цо компетентни за роботи здравя за утвердзованє референтних здравствених установох за поєдини обласци здравственей дїялносци на териториї АП Войводини;
утвердзує минимум процесу роботи под час штрайку здравствених установох на териториї АП Войводини;
снує Здравствени совит Войводини як фахове и совитодавне цело хторе провадзи розвой здравственей защити и здравственого осиґураня у АП Войводини;
снує Етични одбор Войводини як фахове цело.

Здравствени совит Войводини

Член 48.

Здравствени совит Войводини предклада Здравственому совиту Сербиї:

мири за очуванє и унапредзенє здравственого стану и моцнєнє здравственого потенциялу жительства на териториї АП Войводини;
мири за ровномирне витворйованє здравственей защити шицких гражданох у АП Войводини, як и мири за унапредзенє здравственей защити загрожених популацийох;
мири за функцонованє здравственей защити и здравственого осиґураня на териториї АП Войводини хторе засноване на принципох економичносци, отримуюцосци и ефикасносци;
мири за унапредзенє уписней политики на факултетох и школох здравственого фаху на териториї АП Войводини и сотрудзує зоз компетентнима орґанами и другима фаховима целами на териториї АП Войводини у предкладаню мирох рационалней уписней политики на факултетох и школох здравственого фаху;
мири за запровадзованє реформи у обласци здравственей защити и здравственого осиґураня;
розпатранє и других питаньох з обласци здравственей защити и здравственого осиґураня и дава фахову помоц орґаном, орґанизацийом и установом на териториї АП Войводини у реализациї задаткох хтори ше одноша на дружтвене старанє о здравю.

Здравствени совит Войводини ма дзевец членох хторих вибера Скупштина АП Войводини зоз шора визначних фаховцох у обласци здравственей защити и здравственого осиґураня.

На питаня хтори окреме нє ушорени зоз тим законом, а одноша ше на роботу Здравственого совиту Войводини, на мандат членох Здравственого совиту Войводини и зоперанє зраженя явного и приватного интересу, як и на розришенє членох Здравственого совиту Войводини, сходно ше применює одредби закона зоз хторим ше ушорює здравствену защиту у часци цо ше одноши на роботу Здравственого совиту Сербиї, окрем кед з тим законом нє одредзене иншак.

Средства за роботу Здравственого совиту Войводини ше обезпечує у буджету АП Войводини.

Етични одбор Войводини

Член 49.

Етични одбор Войводини:

провадзи применьованє началох професийней етики здравствених роботнїкох у окончованю здравственей дїялносци на териториї АП Войводини;
сотрудзує з Етичним одбором Сербиї у координациї роботи етичних одборох у здравствених установох на териториї АП Войводини;
по вимаганю Етичного одбору Сербиї провадзи запровадзованє наукових виглєдованьох и клинїчних випитованьох лїкох и медицинских средствох у здравствених установох на териториї АП Войводини и о тим подноши звит Етичному одбору Сербиї;
дава думаня о спорних питаньох хтори значни за запровадзованє наукових виглєдованьох, медицинских експериментох, як и клинїчних випитованьох лїкох и медицинских средствох у здравствених установох у АП Войводини;
провадзи запровадзованє одлукох и дава думанє о фахових питаньох у вязи зоз поступком браня часцох чловечого цела за медицински и науково-наставни цилї у здравствених установох на териториї АП Войводини, у складзе зоз законом;
провадзи запровадзованє одлукох и дава думанє о фахових питаньох у вязи зоз применьованьом мирох за лїченє нєплодносци зоз поступками хтори биомедицински допомогнути з оплодзеньом у здравствених установох на териториї АП Войводини, у складзе зоз законом;
розпатра и други питаня професийней етики у запровадзованю здравственей защити на териториї АП Войводини.

Етични одбор Войводини ма седем членох хторих менує и розришує компетентни орґан АП Войводини, на предкладанє покраїнского секретара хтори компетентни за роботи здравя.

На питаня хтори окреме нє ушорени зоз тим законом, а одноша ше на роботу Етичного одбору Войводини, на мандат членох Етичного одбору Войводини и зоперанє зраженя явного и приватного интересу, сходно ше применює одредби закона хтори ушорює здравствену защиту у часци цо ше одноши на роботу Етичного одбору Сербиї, окрем кед з тим законом нє одредзене иншак.

Средства за роботу Етичного одбору Войводини ше обезпечує у буджету АП Войводини.

Санитарни надпатрунок

Член 50.

АП Войводина, прейґ своїх орґанох, у складзе зоз законом зоз хторим ше ушорює обласц санитарного надпатрунку, окончує роботи санитарного надпатрунку.

Роботи зоз пасуса 1. того члена ше окончує як зверени.

Покраїнски завод за здравствене осиґуранє

Член 51.

Покраїнски завод за здравствене осиґуранє (у дальшим тексту: Покраїнски завод) як орґанизацийна єдинка Републичного заводу за здравствене осиґуранє, у складзе зоз законом, окончує шлїдуюци роботи и то:

координує роботу филиялох хтори формовани на териториї АП Войводини, у сотруднїцтве зоз Републичним заводом за здравствене осиґуранє;
контролує роботу филиялох и наменкове хаснованє средствох хтори Републични завод за здравствене осиґуранє преноши филиялом за витворйованє правох зоз обовязного здравственого осиґураня на териториї АП Войводини;
контролує заключени контракти медзи филиялами и давателями здравствених услугох на териториї АП Войводини;
ришує у другим ступню о правох зоз здравственого осиґураня;
дава потребну фахову помоц осиґураним особом у вязи зоз витворйованьом правох з обовязного здравственого осиґураня и защиту їх интересох у осиґураню;
обезпечує условия за роботу лїкарских комисийох хтори формовани на териториї АП Войводини;
обезпечує информацийну подсистему як часц интеґрованей информацийней системи Републики Сербиї за обласц здравственого осиґураня;
окончує статистични и други виглєдованя у обласци здравственого осиґураня;
витворює сотруднїцтво зоз компетентнима покраїнскима орґанами;
окончує други роботи яки утвердзени зоз статутом Републичного заводу за здравствене осиґуранє.

Шедзиско Покраїнского заводу ше находзи у шедзиску орґанох АП Войводини.

Покраїнски завод ма подрахунок прейґ хторого ше средства Републичного заводу за здравствене осиґуранє уплацує и виплацує здравственим установом на териториї АП Войводини, у складзе зоз законом зоз хторим ше ушорює здравствене осиґуранє и предписанями яки принєшени за запровадзованє того закона.

Директора Покраїнского заводу менує Управни одбор Републичного заводу за здравствене осиґуранє, на предкладанє компетентного орґана АП Войводини.

Директор Покраїнского заводу участвує у роботи Управного одбору Републичного заводу за здравствене осиґуранє, без права одлучованя.

Директор Покраїнского заводу, по запровадзеним явним конкурсу, менує директорох филиялох хтори формовани на териториї АП Войводини, под условиями и на способ яки предписани зоз законом за менованє директорох филиялох звонка териториї АП Войводини.

На директора Покраїнского заводу ше применює одредби закона зоз хторим ше ушорює здравствене осиґуранє у часци цо ше одноши на зоперанє зраженя явного и приватного интересу.

У Управним и Надпатраюцим одборе Републичного заводу за здравствене осиґуранє, хтори у складзе зоз законом цо ушорює здравствене осиґуранє творя представителє осиґуранїкох, муша буц заступени и представителє осиґуранїкох зоз териториї АП Войводини.

Член 52.

Зоз дньом початку роботи, завод за явне здравє хтори основани за територию АП Войводини пребера на хаснованє рухоми и нєрухоми маєток, як и права и обовязки заводу за явне здравє хтори основани за територию Южнобачкого управного округу.

Зоз дньом початку роботи, завод за явне здравє хтори основани за територию АП Войводини пребера и занятих у заводзе за явне здравє хтори основани за територию Южнобачкого управного округу.

Социялна защита

Член 53.

АП Войводина, прейґ своїх орґанох, у обласци социяней защити, у складзе зоз законом:

ушорює, у складзе зоз материялнима можлївосцами, вигоднєйши условия за витворенє социялней защити кед предходно у своїм буджету за тото обезпечела средства;
снує установи социялней защити за змесценє хасновательох на териториї АП Войводини, окрем установох хтори снує локална самоуправа у складзе зоз мрежу установох социялней защити за змесценє хасновательох яку утвердзує Република Сербия;
дава согласносц на пременку дїялносци и на статусни пременки установох социялней защити за змесценє хасновательох чий снователь АП Войводина;
менує управни и надпатраюци одбори, як и директорох установох социялней защити за змесценє хасновательох чий снователь АП Войводина;
снує Покраїнски завод за социялну защиту;
приноши програму унапредзеня социялней защити у АП Войводини.

Член 54.

АП Войводина, прейґ своїх орґанох, у обласци социялней защити, у складзе зоз законом:

дава думанє на предлог одлуки о мрежи установох социялней защити за змесценє хасновательох, хтори приноши Република Сербия, у часци хтора ше одноши на мрежу установох на териториї АП Войводини;
дава согласносц на менованє директорох центрох за социялну роботу на териториї АП Войводини;
утвердзує виполнєносц условийох за початок роботи и окончованє дїялносци установох социялней защити за змесценє хасновательох;
окончує роботи другоступньового орґана по ришеньох центрох за социялну роботу на териториї АП Войводини;
окончує ревизию ришеньох центрох за социялну роботу на териториї АП Войводини о припознатих правох з рамикох правох и длужносцох Републики Сербиї;
окончує надпатрунок над роботу устновох и других правних особох хтори окончую дїялносц социялней защити на териториї АП Войводини и инспекцийни надпатрунок.

Роботи зоз пасуса 1. точка 4)-6) того члена ше окончує як зверени.

Правна защита фамелиї и старательство

Член 55.

АП Войводина, прейґ своїх орґанох, у обласци правней защити фамелиї и старательства, у складзе зоз законом:

ришує по жалби процив ришеня орґана старательства на териториї АП Войводини;
окончує надпатрунок над роботу орґана старательства и надпатрунок над фахову роботу орґана старательства на териториї АП Войводини.

Роботи зоз пасуса 1. того члена ше окончує як зверени.

Дружтвене старанє о дзецох

Член 56.

АП Войводина, прейґ своїх орґанох, у складзе зоз законом зоз хторим ше ушорює обласц финансийней потримовки фамелиї з дзецми:

ришує по жалби процив ришеня општинскей, односно городскей управи на териториї АП Войводини;
окончує надпатрунок над роботу орґанох хтори окончую зверени роботи державней управи у обласци финансийней потримовки фамелиї з дзецми на териториї АП Войводини.

Роботи зоз пасуса 1. того члена ше окончує як зверени.

Член 57.

АП Войводина, прейґ своїх орґанох, у обласци предшколского воспитаня и образованя, у складзе зоз законом, окончує фахови надпатрунок над витворйованьом социялней роботи у установох за дзеци на териториї АП Войводини.

Роботу зоз пасуса 1. того члена ше окончує як зверену.

Окремна защита мацери и дзецка

Член 58.

АП Войводина, прейґ своїх орґанох, у складзе зоз законом, утвердзує и обезпечує висши ступень защити фамелиї, права дзецох, ґравидних женох, мацерох под час положнїцкого одсуства и самохраних родичох з дзецми, у складзе з Програму демоґрафского розвою АП Войводини з мирами за єй запровадзованє.

Пензийне осиґуранє

Член 59.

Покраїнски фонд за пензийне и инвалидне осиґуранє (у дальшим тексту: Покраїнски фонд), як орґанизацийна єдинка Републичного фонду за пензийне и инвалидне осиґуранє (у дальшим тексту: Републични фонд), коло роботох яки утвердзени зоз законом и Статутом Републичного фонду, окончує:

пририхтованє и виробок материялох за прегварки з иножемнима ношителями пензийного и инвалидного осиґураня;
роботи дияґностики пре преверйованє медицинскей документациї;
роботи у вязи зоз стажом осиґураня зоз звекшаним тирваньом;
роботи у вязи з обезпечованьом дружтвеного стандарду хасновательох правох;
окончує статистични и други виглєдованя у обласци пензийного и инвалидного осиґураня;
витворює сотруднїцтво з компетентним покраїнским орґаном, окреме у поглядзе черанки податкох и искуствох, як и зоз союзом здруженьох пензионерох и союзами синдикатох хтори фомовани на уровню АП Войводини.

Шедзиско Покраїнского фонду ше находзи у шедзиску орґанох АП Войводини.

Покраїнски фонд, у складзе зоз законом и Статутом Републичного фонду, ма подрахунок прейґ хторого ше уплацує и виплацує средства Републичного фонду на териториї АП Войводини.

Директора Покраїнского фонду менує Управни одбор Републичного фонду, на предкладанє компетентного орґана АП Войводини.

Директор Покраїнского фонду участвує у роботи Управного одбору Републичного фонду, без права на одлучованє.

Директор Покраїнского фонду менує директорох филиялох Републичного фонду хтори формовани на териториї АП Войводини.

Борецка и инвалидна защита

Член 60.

АП Войводина, прейґ своїх орґанох, у обласци борецкей и инвалидней защити, у складзе зоз законом:

обезпечує функционованє борецко-инвалидней защити;
окончує роботи другоступньового орґана и окончує ревизию;
окончує надпатрунок над роботу орґанох хтори у першим ступню ришую о правох з борецко-инвалидней защити;
окончує контролу трошеня средствох хтори наменєни за витворйованє правох з обласци борецко-инвалидней защити;
формує базу податкох информацийней подсистеми АП Войводини у рамикох єдинственей системи Републики Сербиї.

Роботи зоз пасуса 1. того члена ше окончує як зверени.

Защита цивилних инвалидох войни

Член 61.

АП Войводина, прейґ своїх орґанох, у обласци защити цивилних инвалидох войни, у складзе зоз законом:

обезпечує функционованє защити цивилних инвалидох войни;
окончує роботи другоступньового орґана и окончує ревизию;
окончує надпатрунок над роботу орґанох хтори у першим ступню ришую о правох зоз защити цивилних инвалидох войни;
окончує контролу трошеня средствох хтори наменєни за витворйованє правох з обласци защити цивилних инвалидох войни;
формує базу податкох информацийней подсистеми АП Войводини у рамикох єдинственей системи Републики Сербиї.

Роботи зоз пасуса 1. того члена ше окончує як зверени.

15. Явне информованє на покраїнским уровню

Член 62.

АП Войводина, прейґ своїх орґанох, у обласци явного информованя, у складзе зоз законом:

утвердзує явни интерес гражданох АП Войводини у обласци явного информованя и радиодифузиї;
приноши стратеґию розвою у обласци явного информованя на териториї АП Войводини у складзе з републичну стратеґию у обласци явного информованя;
обезпечує часц средствох або други условия за роботу явних глашнїкох на язикох националних меншинох и етнїчних заєднїцох пре витворйованє правох националних меншинох и етнїчних заєднїцох у информованю на власним язику и пестованю власней култури и идентитету;
запровадзує сотруднїцтво на реґионалним уровню;
обезпечує часц средствох або других условийох за нєзавадзане хаснованє правох особох з окремнима потребами у явним информованю, а окреме шлєбодней черанки идейох, информацийох и думаня;
вибера членох Програмного одбору Радиодифузней установи Войводини.

Член 63.

АП Войводина, прейґ своїх орґанох, у обласци явного информованя, у складзе зоз законом, окончує надпатрунок над запровадзованьом закона зоз хторим ше ушорює обласц явного информованя на териториї АП Войводини.

Роботи зоз пасуса 1. ше окончує як зверени.

16. Наука и технолоґийни розвой

Член 64.

(сцеран)

17. Обезпечованє роботи

Покраїнска служба за обезпечованє роботи

Член 65.

Покраїнска служба за обезпечованє роботи (у дальшим тексту: Покраїнска служба), як орґанизацийна єдинка Националней служби за обезпечованє роботи (у дальшим тексту: Национална служба), коло роботох яки утвердзени зоз законом и Статутом Националней служби, окончує и шлїдуюци роботи:

дава согласносц на общи акти подприємствох за роботне оспособйованє и обезпечованє роботи особом з инвалидитетом и обезпечує средства за їх финансованє;
формує информацийну подсистему, як часц єдинственей информацийней системи Републики Сербиї у обласци обезпечованя роботи;
координує роботу филиялох Националней служби на териториї АП Войводини, по овласценю директора Националней служби;
дава предкладанє за реализацию националного акцийного плану на териториї АП Войводини;
приноши и запровадзує програму покраїнского акцийного плану обезпечованя роботи;
окончує и други роботи у складзе з общима актами Националней служби.

Член 66.

Шедзиско Покраїнскей служби ше находзи у шедзиску орґанох АП Войводини.

Покраїнска служба ма подрахунок.

Директора Покраїнскей служби менує и розришує Управни одбор Националней служби, на предкладанє компетентного орґана АП Войводини.

Директор Покраїнскей служби участвує у роботи Управного одбору Националней служби, без права на одлучованє.

Директор Покраїнскей служби, по запровадзеним явним конкурсу, предклада директорови Националней служби кандидата за вибор директора филияли хтора формована на териториї АП Войводини.

Компетентни орґан АП Войводини предклада єдного члена Управного одбору Националней служби.

18. Привреда и приватизация

Член 67.

АП Войводина, прейґ своїх орґанох, у складзе з предписанями зоз хторима ше ушорює обласц приватизациї, предклада по єдного члена Тендерскей и Аукцийней комисиї кед субєкт приватизациї з териториї АП Войводини.

19. Рударство и енерґетика

Енерґетика

Член 68.

АП Войводина, прейґ своїх орґанох, у обласци енерґетики, у складзе зоз законом:

(сцеран)
(сцеран)
(сцеран)
(сцеран)
орґанизує покладанє фахового испиту за преверйованє фаховей оспособеносци пре окончованє роботох на отримованю обєктох за транспорт и дистрибуцию природного ґазу, як и роботох руковательох у тих обєктох;
формує комисию за покладанє фахового испиту зоз точки 5) того пасуса за особи хтори заняти у енерґетским субєкту хтори ма шедзиско на териториї АП Войводини;

Роботи зоз пасуса 1. точки 5) и 6) того члена ше окончує як зверени.

Член 69.

АП Войводина, прейґ своїх орґанох, у складзе зоз законом, окончує роботи електроенерґетскей инспекциї, инспекциї опреми под прициском и окончує инспекцийни надпатрунок у обласци цивопреводнїцкого транспорту ґазовитих и чечних угльоводонїкох на териториї АП Войводини.

Роботи зоз пасуса 1. того члена ше окончує як зверени.

Рударство

Член 70.

АП Войводина, прейґ своїх орґанох, у обласци рударства, у складзе зоз законом:

формує комисию и орґанизує покладанє фахового испиту кандидатох з териториї АП Войводини;
ришує по вимаганьох за видаванє одобреня за експлоатацию минералних сировинох и окончованє рударских роботох;
заключує контракти з подприємствами хторим видате одобренє зоз точки 2) того пасуса;
ришує по вимаганьох за видаванє одобреня за хаснованє рударских обєктох и пущанє обєктох до пробней роботи;
формує комисию за випитованє причинох и пошлїдкох тирвацого застановеня експлоатациї,
окончує роботи инспекцийного надпатрунку на териториї АП Войводини.

Роботи зоз пасуса 1. того члена ше окончує як зверени.

Ґеолоґийни виглєдованя

Член 71.

АП Войводина, прейґ своїх орґанох, у обласци ґеолоґийних виглєдованьох, у складзе зоз законом:

формує комисию и орґанизує покладанє фахового испиту кандидатох з териториї АП Войводини;
ришує по вимаганьох за видаванє одобреня за ґеолоґийни виглєдованя;
водзи евиденцию о виглєдовних просторох и катастер одобрених виглєдовних просторох;
финансує основни ґеолоґийни виглєдованя на териториї АП Войводини, у складзе з рочну програму основних ґеолоґийних виглєдованьох хтори приноши Влада;
з контрактом зоз хасновательом податкох утвердзує способ и термини плаценя надополнєня за хаснованє податкох и документациї основних ґеолоґийних виглєдованьох;
прави биланс резервох минералних сировинох и поджемних водох на териториї АП Войводини;
формує комисию за утвердзованє и оверйованє розкласованих резервох минералних сировинох и поджемних водох;
окончує инспекцийни надпатрунок у обласци ґеолоґийних виглєдованьох на териториї АП Войводини.

Роботи зоз пасуса 1. того члена ше окончує як зверени.

Опрема под прициском

Член 72.

АП Войводина, прейґ своїх орґанох, у складзе зоз законом, окончує инспекцийни надпатрунок над енерґетскима обєктами за: транспорт нафти и дериватох нафти, транспорт и дистрибуцию природного ґазу, продукцию и дистрибуцию цеплотней енерґиї, продукцию и преробок нафти и ґазу, як и над другима обєктами хтори маю опрему под прициском кед тото утвердзене з другим законом.

Роботи зоз пасуса 1. того члена ше окончує як зверени.

20. Локална самоуправа

Член 73.

АП Войводина, прейґ своїх орґанох, у обласци локалней самоуправи, у складзе зоз законом:

(сцеран)
(сцеран)
дава предходну согласносц скупштини єдинки локалней самоуправи на териториї АП Войводини при утвердзованю шветох и одлучованю о назвох улїцох, площох, городских квартох, валалчикох и других часцох населєних местох на териториї єдинки локалней самоуправи.

Роботи зоз пасуса 1. точка 3) того члена ше окончує як зверени.

21. Компетенциї у других обласцох

Член 74.

АП Войводина, прейґ своїх орґанох, у складзе зоз законом:

стара ше о витворйованю людских правох и правох националних меншинох, та утвердзує додатни права у тей обласци;
витворює сотруднїцтво з церквами и вирскима заєднїцами на териториї АП Войводини и помага їх дїялносци хтори окончую у явним интересу;
(сцеран)
(сцеран)
(сцеран)
стара ше о обезпечованю информацийох од явней значносци;
обезпечує явносц роботи покраїнских орґанох управи и орґанизацийох чий снователь АП Войводина.

Член 75.

АП Войводина, прейґ своїх орґанох, у обласци планованя и запровадзованя проєктох Националного инвестицийного плану (у дальшим тексту: НИП) за територию АП Войводини:

иницирує, координує и запровадзує проєкти НИП-а за територию АП Войводини;
сотрудзує з компетентним министерством у розпатраню и оценьованю приявох проєктох за територию АП Войводини;
прави предкладанє лїстини проєктох за територию АП Войводини;
снує и водзи електронску и документацийну базу податкох до хторей ше уноши податки о проєктох за територию АП Войводини;
провадзи динамику трошеня по поєдинєчних проєктох и о тим раз у трох мешацох подноши звит Влади.

Службене хаснованє язикох и писмох

Член 76.

(сцеран)

АП Войводина, прейґ своїх орґанох, у складзе зоз законом зоз хторим ше ушорює службене хаснованє язикох и писмох, окончує инспекцийни надпатрунок.

Роботу зоз пасуса 2. того члена ше окончує як зверену.

Правосудни испит

Член 77.

АП Войводина, прейґ своїх орґанох, у складзе зоз законом хтори ушорює покладанє правосудного испиту, за особи хтори маю место биваня на териториї АП Войводини, формує Испитни одбор и орґанизує покладанє правосудного испиту.

Роботи зоз пасуса 1. того члена ше окончує як зверени.

Державни фахови испит

Член 78.

АП Войводина, прейґ своїх орґанох, у складзе зоз предписанями хтори ушорюю покладанє державного фахового испиту за роботу у орґанох державней управи, за занятих на териториї АП Войводини, формує испитни комисиї и орґанизує покладанє державного фахового испиту.

Роботи зоз пасуса 1. того члена ше окончує як зверени.

Стаємни судски толмаче

Член 79.

АП Войводина, прейґ своїх орґанох, у складзе з предписанями о стаємних судских толмачох:

поставя и розришує стаємних судских толмачох за подруче судох на териториї АП Войводини;
водзи реґистер стаємних судских толмачох за територию АП Войводини.

Роботи зоз пасуса 1. того члена ше окончує як зверени.

Експроприяция

Член 80.

АП Войводина, прейґ своїх орґанох, у складзе зоз законом зоз хторим ше ушорює обласц експроприяциї:

ришує по жалбох процив ришеня городскей, односно општинскей управи на териториї АП Войводини хтори принєшени по предкладаню за експроприяцию;
ришує о предкладаню за дошлєбодзенє окончованя пририхтуюцих дїйох у поступку експроприяциї на териториї АП Войводини.

Роботи зоз пасуса 1. того члена ше окончує як зверени.

Защита правох интелектуалней власносци

Член 81.

АП Войводина, прейґ своїх орґанох, у складзе зоз законом зоз хторим ше ушорює обласц защити правох интелектуалней власносци и авторских и зродних правох, окончує инспекцийни надпатрунок у обласци защити авторских и зродних правох на териториї АП Войводини.

АП Войводина, прейґ своїх орґанох, у обласци интелектуалней власносци, поднїма мири процив пиратериї, у складзе зоз законом.

Роботи зоз пасуса 1. того члена ше окончує як зверени.

Хаснованє назви АП Войводини

Член 82.

АП Войводина, у складзе зоз законом, ушорює хаснованє назви АП Войводини у назвох здруженьох.

Потупеня

Член 83.

АП Войводина, прейґ своїх орґанох, у складзе зоз законом зоз хторим ше ушорює обласц потупеньох, предписує потупеня и кари за потупеня за нєпочитованє предписаньох хтори приноши у рамикох своєй компетенциї.

Робни резерви

Член 84.

АП Войводина, прейґ своїх орґанох, формує робни резерви АП Войводини.

III. НАДПАТРУНОК НАД ОКОНЧОВАНЬОМ ЗВЕРЕНИХ РОБОТОХ

Член 85.

Надпатрунок над роботу покраїнских орґанох управи у окончованю зверених роботох яки утвердзени з тим законом окончую орґани державней управи зоз чийого дїлокругу шлїдза роботи хтори зверени.

Член 86.

Кед АП Войводина звери єдинком локалней самоуправи поєдини роботи зоз своєй компетенциї, надпатрунок над окончованьом зверених роботох орґани АП Войводини окончую зоз сходним применьованьом одредбох Закона о державней управи о овласценьох надпатраюцого орґана.

IV. ПРЕХОДНИ И ЗАКОНЧУЮЦИ ОДРЕДБИ

Член 87.

Орґани АП Войводини превежню занятих хтори роботи цо одредзени як компетенциї АП Войводини окончовали у подручних єдинкох министерствох на териториї АП Войводини, як и одвитуюцу опрему, предмети и архиву.

Член 88.

Компетентни републични орґани длужни подняц шицки нєобходни мири, уключуюци и обезпечованє нєобходних финансийних средствох, пре преберанє нових компетенцийох АП Войводини яки утвердзени з тим законом, найпознєйше по початок применьованя того закона.

Член 89.

АП Войводина у Одлуки о буджету за 2009. рок у окремней одредби викаже средства хтори з буджету Републики Сербиї пренєшени по ступанє на моц того закона за гевти компетенциї хтори зоз тим законом пребера АП Войводина.

Член 90.

Зоз дньом початку променьованя того закона престава важиц Закон о утвердзованю одредзених компетенцийох автономней покраїни ("Службени глашнїк РС", число 6/02, 101/07 – др. закон и 51/09 – др. закон).

Член 91.

Тот закон ступа на моц осми дзень по обявйованю у "Службеним глашнїку Републики Сербиї", а применює ше го од 1. януара 2010. року, окрем одредбох члена 8, члена 10. точка 14) и члена 26, 88. и 89. того закона, хтори ше применює од дня ступаня на моц того закона.

Акти

Посланїки, зволанє 2012-

Закон о утвeрдзованю одрeдзeних компeтeнцийох автономней покраїни

Скупштина Автономней Покраїни Войводини