Покраїнски совит за безпечносц

Покраїнски совит за безпечносц совитодавно-фахове цело у рамикох системи безпечносци Републики Сербиї хторе ма предсидателя, заменїка предсидателя и петнац членох.

Функцию предсидателя Совиту окончує предсидатель Скупштини Автономней Покраїни Войводини. Функцию заменїка предсидателя Совиту окончує подпредсидатель Покраїнскей влади. Члени Совиту то: Покраїнски омбудсман, члени Покраїнскей влади - покраїнски секретаре за: образованє, управу и национални заєднїци; медзиреґионалне сотруднїцтво и локалну самоуправу; здравство, социялну политику и демоґрафию; урбанизем, будовательство и защиту животного штредку; шейсцме посланїки Скупштини АП Войводини, з тим же штирме члени з Одбору за безпечносц Скупштини АП Войводини и троме члени Министерства нукашнїх дїлох Републики Сербиї.

Совит ше формує пре унапредзенє превенциї на онєможлївйованю криминалитета, подзвигованє безпечносней култури гражданох, злєпшанє вкупней безпечносци гражданох, як и пре стаємне преценьованє безпечносного стану у Автономней Покраїни Войводини.

У витворйованю цильох, задатки Совиту тоти: окончовац одвитуюци преценьованя безпечносного амбиєнту на уровню Покраїни и указовац на його потреби, приношиц напрямки за акцийне дїйствованє на превенциї онєможлївйованя криминалу и других чкодлївих зявеньох и подїйох на уровню Покраїни, окончовац преценьованє потребних ресурсох за реализацию своїх активносцох и предкладац способ їх обезпечованя, давац помоц орґаном локалней самоуправи на унапредзеню безпечносци, активно участвовац у провадзеню, преценьованю, унапрямованю и евалуациї розвою Проєкту "Безпечна заєднїца" на подручу Покраїни и найменєй раз рочнє подншиц звит Скупштини Автономней Покраїни Войводини о своєй роботи и преценьованю безпечносного амбиєнту на уровню Покраїни.

На основи члена 7. пасус 1. Покраїнскей скупштинскей одлуки о Скупштини Автономней Покраїни Войводини ("Службени новини АПВ", число: 28/2014) и чл. 4. и 8. Одлуки о формованю Покраїнского совиту за безпечносц ("Службени новини АПВ" число: 54/2014 и 43/2016), Скупштина Автономней Покраїни Войводини, принєсла Одлуку о виборе членох покраїнского совиту за безпечносц.

 

До Покраїнского совиту за безпечносц ше меную:

За предсидателя Совиту:

  • Иштван Пастор, предсидатель Скупштини Автономней Покраїни Войводини;

За заменїка предсидателя Совиту:

  • Дьордє Миличевич, подпредсидатель Покраїнскей влади;

За членох Совиту:

  • Мушкиня Гайнрих Анико, Покраїнски защитнїк гражданох - омбудсман;
  • Михаль Нїлаш, подпредсидатель Покраїнскей влади и покраїнски секретар за образованє, предписаня, управу и национални меншини- национални заєднїци;
  • Оґнєн Бєлич, покраїнски секретар за реґионални розвой, медзиреґионалне сотруднїцтво и локалну самоуправу;
  • Владимир Ґалич, покраїнски секретар за урбанизем и защиту животного штредку;
  • Доц. др Зоран Ґойкович, покраїнски секретар за здравство;
  • Предраґ Вулетич, покраїнски секретар за социялну политику, демоґрафию и ровноправносц полох;
  • Мирослав Шпанович, Одбор за безпечносц;
  • Воїслав Кулачанин, Одбор за безпечносц;
  • Боян Костреш, Одбор за безпечносц;
  • Боре Кутич,Одбор за безпечносц;
  • Райко Мийович, посланїк у Скупштини АП Войводини;
  • Радомир Кузманович, посланїк у Скупштини АП Войводини;
  • Зоран Алимпич, началнїк Управи полициї, Министерства нукашнїх дїлох Републики Сербиї;
  • Ґолуб Ґачевич, помоцнїк началнїка Управи полициї, Министерства нукашнїх дїлох Републики Сербиї;
  • Синиша Радакович, началнїк Полицийскей управи Нови Сад.

Контакт

Роботи секретара Совиту окончує: Мирко Писарич

Тел:  +381 21 487-4860 

e-mail: mpisaric@skupstinavojvodine.gov.rs