Подпредсидатель Дамир Зобеница

Дамир Зобеница вибрани за подпредсидателя Скупштини Автономней Покраїни Войводини на першей схадзки Скупштини, хтора отримана 2. юния 2016. року.

Член є Сербскей напредней странки и член посланїцкей ґрупи „АЛЕКСАНДАР ВУЧИЧ - СЕРБИЯ ПОБЕДЗУЄ” у Скупштини Автономней Покраїни Войводини.

Длужносци у Скупштини

• подпредсидатель Скупштини Автономней Покраїни Войводини;
• член Одбору за административни и мандатни питаня;
• член Одбору за Европски интеґрациї и медзиреґионалне сотруднїцтво.

Биоґрафия

Народзел ше у Пули, 15. априла 1981. року.

Ґимназию „Светозар Маркович” закончел у Новим Садзе, а потим дипломовал социолоґию на Филозофским факултету у Новим Садзе. Под час студийох, пол рока препровадзел у Зєдинєних Америцких Державох, у рамикох „Work and travel” програми.

До политики вошол 2008. року, як єден зоз сновательох Сербскей напредней странки у Новим Садзе.

До Главного одбору Сербскей напредней странки (СНС) вошол 2012. року, а 2014. року постал подпредсидатель Вивершного одбору СНС. Член Предсидательства СНС постал 2016. року.

На першу политичну функцию ступел 2009. року, кед постал предсидатель месней заєднїци Сримска Каменїца. После того, постал одборнїк у Скупштини Городу Нового Саду, a 2012. року є вибрани за посланїка до Скупштини АП Войводини по векшинскей виберанковей системи.

Окончовал функцию совитнїка городоначалнїка Нового Саду од 2012. по 2016. рок.

Член є Управного одбору Розвойного фонду Автономней Покраїни Войводини од 2016. року. Бул член Управного одбору ЯП „Дїловни простор” Нови Сад, як и член Надпатраюцого одбору „Шлєбодней царинскей зони” Нови Сад.

Од 2016. року є и член Комитету 1 Скупштини европских реґийох (Assembly of European Regions, найвекшей мрежи реґийох Европи) хтори ше занїма з економскима и питанями реґионалного привредного сотруднїцтва. Од 2016. по 2017. рок бул подпредсидатель Комитету 1 Скупштини европских реґийох.

Од 2017. року є подпредсидатель Скупштини европских реґийох - АЕР вибрани на Ґенералней скупштини у Ст. Полтену (реґия Горня Австрия). Компетенциї то медзиреґионална дипломатия и Чарноморске сотруднїцтво.

Коло мацеринского сербского язика, чечно бешедує по анґлийски, а служи ше и з италиянским язиком.

Оженєти є и оцец двоїх дзецох.

Контакт

e-mail: dzobenica@skupstinavojvodine.gov.rs

Тел: +381 21 487-4134

Факс: +381 21 456-241

Скупштина Автономней Покраїни Войводини

Владики Платона бч

21101 Нови Сад

Република Сербия