Подпредсидатель Мирослав Васин

Мирослав Васин вибрани за подпредсидателя Скупштини Автономней Покраїни Войводини на першей схадзки Скупштини, хтора отримана 2. юния 2016. року.

Член є Демократскей странки и член посланїцкей ґрупи "ДС–ДСГВ" у Скупштини Автономней Покраїни Войводини.

Длужносци у Скупштини

• Подпредсидатель Скупштини Автономней Покраїни Войводини

Биоґрафия

Народзени є 1955. року.

Од 1979. по 1981. рок робел у „Фадип“ Бечей як референт. Од 1981. по 1990. рок бул заняти у „Хинсу“ у Новим Садзе, дзе окончовал длужносц директора правних роботох. Од 1990. по 2002. рок робел у „Албусу“ а.д. Нови Сад, як помоцнїк ґенералного директора. Од 2002. по 2008. рок заняти є у Покраїнским секретарияту за роботу, обезпечованє роботи и ровноправносц полох як помоцнїк покраїнского секретара. Бул предсидатель Управного одбору АД “Албус“ од 1991. по 1995. рок, судия у Суду чесци Привредней комори СФРЮ, член Совиту за обезпечованє роботи Републики Сербиї, член Совиту за защиту на роботи Републики Сербиї. Предсидатель Социялно-економского совиту АП Войводини бул у трох мандатох. Бул член Совиту за вибеженцох, вигнати и розселєни особи. Командант є Штабу за позарядово ситуациї АП Войводини.

Окончовал длужносц предсидателя Одбору за вибудов Едукативного центру АП Войводини за обуки у професионалних и роботних схопносцох. Бул на чолє фахового тиму за виробок Програми за стимулованє привреди, поднїмательства и ремеселнїцтва АП Войводини.

Од 2008. по 2012. рок окончує функцию покраїнского секретара за роботу, обезпечованє роботи и ровноправносц полох, а од 2012. є на функциї покраїнского секретара за привреду, обезпечованє роботи и ровноправносц полох.

Од 2015. року є и подпредсидатель Покраїнскей влади.

За успихи яки посцигнул у своєй богатей кариєри, достал числени припознаня. Добитнїк є Плакети општини Шид.

Плакети општини Беочин, преглашени є за почесного граждана Ривици и Вишнїчева, добитнїк є медзинародней награди Европскей асоцияциї туристичних новинарох за 2013. рок, як и награди „Капетан Миша Анастасиєвич“ за доприношенє ґу розвою поднїмательства у Сербиї. Под час його мандата, Покраїнски секретарият за роботу, обезпечованє роботи и ровноправносц полох добитнїк „Першомайскей награди“ Ради самостойних синдикатох городу Нового Саду и општинох, а два проєкти з обласци родней ровноправносци преглашени за найлєпши у реґиону од Зєдинєних нацийох и Европскей комисиї. У обласци привреди, Секретарият добитнїк медзинародних припознаньох у обласци туризма и кластерского орґанизованя.

Мирослав Васин жиє у Новим Садзе, оженєти є и ма тройо дзеци.

Контакт

e-mail: mvasin@skupstinavojvodine.gov.rs

Тел: +381 21 487-4128

Факс: +381 21 456-107

Скупштина Автономней Покраїни Войводини

Владики Платона бч

21101 Нови Сад

Република Сербия