Одлука о вименкох и дополнєньох Дїловнїка о роботи Скупштини Автономней покраїни Войводини ("Службени новини АПВ", число 57/2017)

("Службени новини АПВ", число 57/2017)

На основи члена 31. алинея 18. Статута Автономней Покраїни Войводини («Службени новини АПВ», число 20/2014) и члена 7. пасус 1. Покраїнскей скупштинскей одлуки о Скупштини АП Войводини («Службени новини АПВ», число 28/2014),

Скупштина АП Войводини, на схадзки хтора отримана 21. децембра 2017. року, принєсла

О Д Л У К У
О ВИМЕНКОХ И ДОПОЛНЄНЬОХ ДЇЛОВНЇКА О РОБОТИ СКУПШТИНИ АВТОНОМНЕЙ ПОКРАЇНИ ВОЙВОДИНИ

Член 1.

У Дїловнїку о роботи Скупштини Автономней Покраїни Войводини («Службени новини АПВ», число 37/2014 и 54/2014) (у дальшим тексту: Дїловнїк) у члену 78. пасус 6. ше сцера.

Потерашнї пасус 7. постава пасус 6.

Член 2.

У члену 133. пасус 1. после словох: «покраїнскей скупштинскей одлуки» ше кладзе запятку и додава слова «общих и других актох», а число «30.000» ше заменює зоз числом: «10.000».

У истим члену 133. пасус 2. ше сцера.

Потерашнї пасуси 2.-6. поставаю пасуси 2.-5.

Член 3.

У члену 141. пасус 3. число: «30.000» ше заменює зоз числом: «10.000».

Член 4.

После члена 208. ше додава нову главу хтора глаши: «VIа ПРЕКЛАДАНЄ И ДОРУЧОВАНЄ МАТЕРИЯЛОХ ПО ВИМАГАНЮ ПОСЛАНЇКОХ НА ЯЗИКУ ЯКИ ШЕ РОВНОПРАВНО СЛУЖБЕНО ХАСНУЄ У РОБОТИ СКУПШТИНИ» и нови члени 208.а и 208.б хтори глаша:

„Член 208а

Посланїк ма право у чаше 30 дньох, як му потвердзени мандат, доручиц вимаганє Служби Скупштини же би ше му материял за схадзку Скупштини и одбору доручел и на язику националней меншини – националней заєднїци зоз члена 3. Дїловнїка.

Вимаганє зоз пасуса 1. того члена Служба Скупштини доручує покраїнскому орґану управи хтори компетентни за роботи прекладаня (у дальшим тексту: Прекладательна служба).

Член 208б

Служба Скупштини длужна, найпознєйше у чаше 24 годзинох, як прияла материял, доручиц Прекладательней служби вимаганє за прекладанє вєдно зоз материялом, у складзе з вимаганьом зоз члена 208.а.

Прекладательна служба длужна поступиц по вимаганю зоз пасуса 1. того члена найпознєйше 72 годзини пред термином яки одредзени за отримованє схадзки Скупштини.

Материял хтори ше у складзе зоз Дїловнїком доручи Скупштини у чаше хтори кратши як 72 годзини ше нє будзе прекладац за потреби роботи у Скупштини.

Як материял зоз пасуса 1. того члена ше трима: зволанє за схадзку Скупштини и одборох, записнїк зоз схадзки Скупштини и одборох, предлог актох яки ше розпатра на схадзки Скупштини и одборох, предкладаня за вименки и дополнєня дньового шора, амандмани, посланїцки питаня и други материяли хтори настали у роботи Скупштини и одборох.»

Член 5.

Посланїк у зволаню Скупштини 2016-2020. ма право поднєсц вимаганє зоз члена 208.а пасус 1. у термину 30 дньох по ступаню на моц тей одлуки.

Член 6.

Тота одлука ступа на моц осми дзень по обявйованю у «Службених новинох Автономней Покраїни Войводини», а будзе ше ю применьовац од 1. юлия 2018. року.

СКУПШТИНА АВТОНОМНЕЙ ПОКРАЇНИ ВОЙВОДИНИ

Нови Сад, 21. децембра 2017. року

ПРЕДСИДАТЕЛЬ
СКУПШТИНИ АП ВОЙВОДИНИ,

Иштван Пастор, с.р.
(Pásztor István, s.k.)