Одлука о вименкох и дополнєньох Дїловнїка о роботи Скупштини Автономней Покраїни Войводини
("Сл. новини АП Войводини", число 54/2014)
На основи члена 31. алинея 18. Статута Автономней Покраїни Войводини («Службени новини АПВ», число 20/2014) и члена 7. пасус 1. Покраїнскей скупштинскей одлуки о Скупштини АП Войводини («Службени новини АПВ», число 28/2014),
Скупштина АП Войводини, на схадзки хтора отримана 23. децембра 2014. року, принєсла
О Д Л У К У
О ВИМЕНКОХ И ДОПОЛНЄНЬОХ ДЇЛОВНЇКА О РОБОТИ СКУПШТИНИ АВТОНОМНЕЙ ПОКРАЇНИ ВОЙВОДИНИ
Член 1.
У Дїловнїку о роботи Скупштини Автономней Покраїни Войводини («Службени новини АПВ», число 37/2014) (у дальшим тексту: Дїловнїк) у члену 67. слова: «предклада Скупштини членох Програмного одбору Радиодифузней установи Войводини и кандидатох за Совит Републичней радиодифузней установи» ше заменює зоз словами «розпатра питаня хтори ше одноша на роботу Покраїнского явного медийного сервису – РТВ».
Член 2.
У члену 148. после пасуса 2. ше додаваю нови пасуси 3. и 4. хтори глаша:
«Подношитель амандмана ма право обгрунтовац амандман, у тирваню до двох минутох.
Кед амандман поднєсли вецей посланїки, право обгрунтовац го ма представитель подношителя амандмана, а кед представитель подношителя нє назначени, вец то перши подписани посланїк.
Потерашнї пасуси 3, 4, 5, 6 и 7. поставаю пасуси 5, 6, 7, 8 и 9.»
Член 3.
У члену 201. пасус 5. слова: «ище найвецей два подпитаня у вкупним тирваню до двох минутох» ше заменює зоз словами: «єдно подпитанє у тирваню до єдней минути».
У пасусу 6. слова: «подпитаня у вкупним тирваню до трох минутох» ше заменює зоз словами: «подпитанє у тирваню до двох минутох».
После пасуса 6. ше додава нови пасус 7. хтори глаши:
«По достатим одвиту на подпитанє, посланїк ма право, у тирваню до єдней минути, коментаровац одвит на свойо подпитанє».
Член 4.
Член 202. ше сцера.
Член 5.
У члену 203. алинея 4. ше сцера.
Член 6.
У члену 205. после пасуса 1. ше додава нови пасус 2. хтори глаши:
«Посланїцке питанє мож поставиц на схадзки Скупштини по законченю роботи по утвердзеним дньовим шоре.»
Потерашнї пасуси 2. и 3. поставаю пасуси 3. и 4.
У потерашнїм пасусу 4. хтори постава пасус 5. после слова «поставиц» додава ше букву «и».
Потерашнї пасус 5. хтори постава пасус 6. ше меня и вон глаши:
«Посланїцки питаня ше нє поставя на схадзки хтора зволана на основи члена 78. пасус 5. и 79. пасус 3. Дїловнїка».
Потерашнї пасус 6. постава пасус 7.
ПРЕХОДНИ И ЗАКОНЧУЮЦИ ОДРЕДБИ
Член 7.
Тота одлука ступа на моц осми дзень по обявйованю у «Службених новинох Автономней Покраїни Войводини».
СКУПШТИНА АВТОНОМНЕЙ ПОКРАЇНИ ВОЙВОДИНИ
Нови Сад, 23. децембра 2014. року
ПРЕДСИДАТЕЛЬ
СКУПШТИНИ АП ВОЙВОДИНИ,
Иштван Пастор, с.р.
(Pásztor István, s.k.)